టీడీపీకి షాక్.. వైఎస్సార్సీపీలో చేరిన పలు కుటుంబాలు.
కావలి, మేజర్ న్యూస్ : కావలి రూరల్ మండలం, రుద్రకోట పంచాయతీలో తెలుగుదేశం పార్టీకి గట్టి ఎదురుదెబ్బ తగిలింది. పంచాయతీకి చెందిన టీడీపీ నాయకులు ఉప్పు చిన్న కోటేశ్వరరావు, వల్లపు సుబ్బయ్యలతో పాటు పలువురు టీడీపీ కార్యకర్తలు, కుటుంబాలు ఆ పార్టీని వీడి వైఎస్సార్ కాంగ్రెస్ పార్టీలో చేరాయి. కావలి వైఎస్సార్సీపీ నియోజకవర్గ ఇన్ఛార్జి, మాజీ ఎమ్మెల్యే రామిరెడ్డి ప్రతాప్ కుమార్ రెడ్డి సమక్షంలో వీరంతా వైసీపీ తీర్థం పుచ్చుకున్నారు. పార్టీలో చేరిన నాయకులు, కార్యకర్తలకు రామిరెడ్డి ప్రతాప్ కుమార్ రెడ్డి వైఎస్సార్సీపీ కండువాలు కప్పి సాదరంగా పార్టీలోకి ఆహ్వానించారు. ఈ సందర్భంగా మాజీ ఎమ్మెల్యే మాట్లాడుతూ, పార్టీలోకి వచ్చిన ప్రతి ఒక్కరికీ సముచిత స్థానం కల్పిస్తామని, కార్యకర్తలకు ఎల్లప్పుడూ అండగా ఉంటామని భరోసా ఇచ్చారు. గ్రామాల్లో పార్టీ బలోపేతానికి సమష్టిగా కృషి చేయాలని పిలుపునిచ్చారు. ఈ కార్యక్రమంలో రుద్రకోట పంచాయతీ స్థానిక వైఎస్సార్సీపీ నాయకులు, కార్యకర్తలు మరియు గ్రామస్తులు పెద్ద ఎత్తున పాల్గొన్నారు.