సార్డ్స్ స్వచ్ఛంద సేవా సంస్థ ఆధ్వర్యంలో ఉచిత హెల్త్ క్యాంపు, హెచ్.ఐ.వి అవగాహన సదస్సు.
కావలి, మేజర్ న్యూస్ : జిల్లా వైద్య ఆరోగ్య శాఖ, జిల్లా ఎయిడ్స్ నివారణ మరియు నియంత్రణ సంస్థ (DAPCU) ఆధ్వర్యంలో సార్డ్స్ (SARDS) స్వచ్ఛంద సేవా సంస్థ సహకారంతో కావలి పట్టణంలోని రాజీవ్ నగర్లో సోమవారం ఉచిత వైద్య శిబిరం (హెల్త్ క్యాంపు) మరియు హెచ్.ఐ.వి పరీక్షలు నిర్వహించారు. ఈ సందర్భంగా స్థానికులకు సాధారణ ఆరోగ్య పరీక్షలతో పాటు హెచ్.ఐ.వి (HIV) నిర్ధారణ పరీక్షలు చేశారు. అనంతరం నిర్వహించిన అవగాహన సదస్సులో వైద్య సిబ్బంది మరియు సంస్థ ప్రతినిధులు మాట్లాడుతూ.. హెచ్.ఐ.వి/ఎయిడ్స్ వ్యాధి వ్యాప్తి చెందే మార్గాలు, వ్యాపించని విధానాలపై ప్రజలకు స్పష్టమైన అవగాహన కల్పించారు. ఈ మహమ్మారి బారిన పడకుండా తీసుకోవాల్సిన ముందస్తు జాగ్రత్తలు, సుఖవ్యాధులు (STI) మరియు వాటికి అందుబాటులో ఉన్న ఆధునిక చికిత్సా విధానాల గురించి వివరంగా తెలిపారు. అపోహలను వీడి, అనుమానం ఉన్నవారు స్వచ్ఛందంగా ముందుకు వచ్చి పరీక్షలు చేయించుకోవాలని సూచించారు. ఈ కార్యక్రమంలో కావలి అర్బన్ హెల్త్ సెంటర్ (UHC) వైద్య సిబ్బంది, ఏపీ శాక్స్ (APSACS) సిబ్బంది, సార్డ్స్ స్వచ్ఛంద సంస్థ ప్రతినిధులు, సిబ్బంది మరియు రాజీవ్ నగర్ కాలనీ వాసులు పెద్ద ఎత్తున పాల్గొన్నారు.