టీడీపీ మండల అధ్యక్షుడు ఆవుల రాజుకు నేతల నివాళులు
నకరికల్లు మేజర్ న్యూస్: మండల కేంద్రమైన నకరికల్లులో తెలుగుదేశం పార్టీ మండల అధ్యక్షుడు ఆవుల రాజు హఠాన్మరణం చెందడంతో పలువురు పార్టీ నాయకులు ఆయనకు నివాళులర్పించారు. రాష్ట్ర కార్యనిర్వాహక కార్యదర్శి నాగోతు శౌరయ్య, కన్నా లక్ష్మీనారాయణ తనయుడు కన్నా నాగరాజు ఆవుల రాజు పార్థివదేహంపై తెలుగుదేశం పార్టీ జెండాను కప్పి ఘనంగా నివాళులర్పించారు.
అనంతరం ఆయన కుటుంబ సభ్యులను పరామర్శించి ప్రగాఢ సానుభూతి తెలిపారు. ఆవుల రాజు కుటుంబానికి తెలుగుదేశం పార్టీ ఎల్లప్పుడూ అండగా ఉంటుందని భరోసా ఇచ్చారు. కుటుంబానికి అందాల్సిన ప్రభుత్వ సంక్షేమ పథకాలు అందేలా పార్టీ తరఫున అవసరమైన సహకారం అందిస్తామని హామీ ఇచ్చారు.