పారిశుద్ధ్య పనుల తీరును పరిశీలించిన ఎంహెచ్ఓ డాక్టర్ రాజా రవీంద్రనాథ్ చౌదరి.. అరవింద్ నగర్, ఎస్ఎస్బీఎన్ కళాశాల సమీపంతో పాటు పలు ప్రాంతాల్లో పర్యటన.. పారిశుద్ధ్య సిబ్బందిని అడిగి వివరాలు తెలుసుకున్న అధికారి..
(అనంతపురం కార్పొరేషన్ మేయర్ న్యూస్..)
అనంతపురం నగరంలో పారిశుద్ధ్య నిర్వహణ, చెత్త సేకరణ, పరిసరాల పరిశుభ్రత పనుల తీరును అనంతపురం నగరపాలక సంస్థ మెడికల్ హెల్త్ ఆఫీసర్ ఎంహెచ్ఓ డాక్టర్ రాజా రవీంద్రనాథ్ చౌదరి పరిశీలించారు.ఈ సందర్భంగా అరవింద్ నగర్, ఎస్ఎస్బీఎన్ కళాశాల సమీపంతో పాటు నగరంలోని పలు ప్రాంతాల్లో పర్యటించి పారిశుద్ధ్య పనులను క్షేత్రస్థాయిలో తనిఖీ చేశారు. ఆయా ప్రాంతాల్లో రోడ్ల పరిశుభ్రత, చెత్త సేకరణ, పారిశుద్ధ్య నిర్వహణ తీరును పరిశీలించారు.అనంతరం విధుల్లో ఉన్న పారిశుద్ధ్య సిబ్బందితో మాట్లాడి రోజువారీ పనుల వివరాలు అడిగి తెలుసుకున్నారు. పారిశుద్ధ్య పనుల్లో ఎదురవుతున్న సమస్యలు, సిబ్బంది విధుల నిర్వహణ తదితర అంశాలపై ఆరా తీశారు.నగరాన్ని పరిశుభ్రంగా ఉంచేందుకు పారిశుద్ధ్య సిబ్బంది నిరంతరం బాధ్యతాయుతంగా విధులు నిర్వహించాలని, ప్రజలకు ఎలాంటి అసౌకర్యం కలగకుండా పారిశుద్ధ్య పనులు చేపట్టాలని సూచించారు.