రాయదుర్గం ప్రభుత్వ ఆసుపత్రిలో 22 మంది విద్యార్థినులకు చికిత్స!!
రాయదుర్గం టౌన్ మేజర్ న్యూస్
గుమ్మగట్ట కేజీబీవీలో అస్వస్థతకు గురైన 22 మంది విద్యార్థినులు ప్రస్తుతం రాయదుర్గం ప్రభుత్వ ఆసుపత్రిలో చికిత్స పొందుతున్నట్లు వైద్యులు తెలిపారు,మంగళవారం కడుపునొప్పి, వాంతులతో అస్వస్థతకు గురైన విద్యార్థినులను ముందుగా గుమ్మగట్ట పీహెచ్సీలో చేర్పించి చికిత్స అందించారు. పరిస్థితి నిలకడగా లేని 22 మందిని మెరుగైన చికిత్స కోసం రాయదుర్గం ప్రభుత్వ ఆసుపత్రికి తరలించారు,అందులో ఇద్దరు విద్యార్థినుల పరిస్థితి కాస్త ఆందోళనకరంగా ఉండటంతో వారిని మరింత మెరుగైన చికిత్స కోసం అనంతపురం ప్రభుత్వ ఆసుపత్రికి తీసుకువెళ్లినట్లు వైద్యులు తెలిపారు,మిగిలిన విద్యార్థినుల ఆరోగ్య పరిస్థితి నిలకడగా ఉందని, వైద్య సిబ్బంది నిరంతరం పర్యవేక్షిస్తున్నారని వైద్యులు వెల్లడించారు.
సూర్య ప్రతినిధి : మహేష్ రాయదుర్గం టౌన్ రిపోర్టర్