తాడిగడప మున్సిపాలిటీ కాంగ్రెస్ అభ్యర్థులకు ఫామ్–బి అందజేత
తాడిగడప, మేజర్ న్యూస్: అఖిల భారత కాంగ్రెస్ కమిటీ సభ్యులు ధనేకుల మురళీమోహన్ రావు ఆధ్వర్యంలో కానూరులోని విజయలక్ష్మి బాంకెట్ హాల్లో కాంగ్రెస్ పార్టీ సమావేశం నిర్వహించారు. ఈ కార్యక్రమానికి జిల్లా కాంగ్రెస్ పార్టీ వ్యవహారాల ఇన్చార్జి పాతపాటి హరికుమార్ రాజు ముఖ్య అతిథిగా హాజరయ్యారు. ఈ సందర్భంగా తాడిగడప మున్సిపాలిటీ కాంగ్రెస్ చైర్మన్ అభ్యర్థితో పాటు 18 మంది వార్డు కౌన్సిలర్ అభ్యర్థులకు పార్టీ అధికారిక ఫామ్–బిలను అందజేశారు. అనంతరం అభ్యర్థులకు ఎన్నికల ప్రచారం, వ్యూహాలు, పార్టీ విజయానికి అనుసరించాల్సిన కార్యాచరణపై నాయకులు సూచనలు చేశారు. ఈ కార్యక్రమంలో తాడిగడప మున్సిపాలిటీ కాంగ్రెస్ అధ్యక్షుడు కోసనం రాము, పెనమలూరు నియోజకవర్గ నాయకులు వెలిసిల సుబ్రహ్మణ్యం, జిల్లా ప్రధాన కార్యదర్శి కొడమంచిలి చంద్రశేఖర్, ఈదర రాజశేఖర్ వర్మ, ధనేకుల వెంకటేశ్వరరావు, ముద్రగడ నగేష్, నాగదాసు ప్రవీణ్ కుమార్, చిర్రావూరి రవికుమార్ తదితరులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.