స్థానిక సంస్థల ఎన్నికలను దృష్టిలో ఉంచుకుని సమన్వయంతో పనిచేయాలి లింగాల గ్రామంలో పార్టీ కార్యక్రమాలను మరింత బలోపేతం చేయాలి వైఎస్ఆర్ సీపీ క్యాడర్‌కు ఐడీ కార్డుల పంపిణీ
వత్సవాయి: స్థానిక సంస్థల ఎన్నికలను దృష్టిలో ఉంచుకుని వైఎస్ఆర్ కాంగ్రెస్ పార్టీ నాయకులు, కార్యకర్తలు సమన్వయంతో పనిచేస్తూ గ్రామస్థాయిలో పార్టీ కార్యక్రమాలను మరింత బలోపేతం చేయాలని జగ్గయ్యపేట నియోజకవర్గ వైఎస్ఆర్ సీపీ ఇన్‌చార్జ్ తన్నీరు నాగేశ్వరరావు పిలుపునిచ్చారు. వత్సవాయి మండలం లింగాల గ్రామంలో స్థానిక సంస్థల ఎన్నికల సన్నాహకాలపై పార్టీ నాయకులు, కార్యకర్తలతో సమావేశం నిర్వహించారు.ఈ సందర్భంగా గ్రామస్థాయిలో పార్టీ కార్యకలాపాలు, స్థానిక సంస్థల ఎన్నికలకు సంబంధించిన సన్నాహకాలు, నాయకులు, కార్యకర్తల మధ్య సమన్వయం తదితర అంశాలపై చర్చించారు. అనంతరం తన్నీరు నాగేశ్వరరావు మాట్లాడుతూ స్థానిక సంస్థల ఎన్నికల్లో పార్టీ నాయకులు, కార్యకర్తలు సమన్వయంతో పనిచేయాలని సూచించారు. ప్రజలకు ఎల్లప్పుడూ అందుబాటులో ఉంటూ పార్టీ కార్యక్రమాలను విస్తృతంగా నిర్వహించాలని తెలిపారు.ప్రతి గ్రామంలో పార్టీ కార్యకర్తలు క్రియాశీలకంగా పనిచేసేలా కార్యాచరణ రూపొందించుకోవాలని, గ్రామస్థాయిలో పార్టీ కార్యక్రమాలను బలోపేతం చేసేందుకు నాయకులు, కార్యకర్తలు కలిసికట్టుగా ముందుకు సాగాలని అన్నారు. అనంతరం వైఎస్ఆర్ సీపీ క్యాడర్‌కు ఐడీ కార్డులను పంపిణీ చేశారు.ఈ కార్యక్రమంలో వత్సవాయి మండల పంచాయతీరాజ్ విభాగం అధ్యక్షులు ఆంబోజి జీవరత్నం, మండల ప్రచార విభాగం అధ్యక్షులు యేశాల కనకచంద్రరావు, గ్రామ పార్టీ అధ్యక్షులు పీట్ల మురళి, గ్రామ సీనియర్ నాయకులు పీట్ల జనార్దన్, ఆంబోజి వెంకటేశ్వర్లు, రామారావు, రమేష్, పుల్లారావు, ఉప్పాల వెంకటేశ్వర్లు, చింతల నరసింహరావు, చిట్టూరి రంగారావు, కొండయ్య, పిల్లలమర్రి నరసింహరావుతో పాటు వివిధ హోదాల్లో ఉన్న యువ నాయకులు, పార్టీ కార్యకర్తలు పాల్గొన్నారు.
