నేడు ఎస్‌ఈసీ కీలక సమీక్ష: కలెక్టర్లు, ఎస్పీలతో వీడియో కాన్ఫరెన్స్
విజయవాడ, మేజర్ న్యూస్: రాష్ట్రంలో స్థానిక సంస్థల ఎన్నికల నిర్వహణపై రాష్ట్ర ఎన్నికల కమిషన్ (ఎస్‌ఈసీ) కసరత్తును ముమ్మరం చేసింది. ఎన్నికల ఏర్పాట్లు, శాంతిభద్రతల పరిస్థితులపై సమీక్షించేందుకు రాష్ట్ర ఎన్నికల కమిషనర్ నేడు ఉదయం 11 గంటలకు అత్యున్నత స్థాయి వీడియో కాన్ఫరెన్స్‌ను నిర్వహించనున్నారు. ఈ కీలక భేటీలో అన్ని జిల్లాల కలెక్టర్లు, జిల్లా ఎస్పీలతో పాటు సంబంధిత ప్రభుత్వ శాఖల ఉన్నతాధికారులు పాల్గొంటారు. ఓటర్ల జాబితా తయారీ, పోలింగ్ కేంద్రాల గుర్తింపు, ఎన్నికల సిబ్బంది నియామకం, శాంతిభద్రతల పరిరక్షణ వంటి అంశాలపై కమిషన్ అధికారులతో విస్తృతంగా చర్చించనుంది. ఎన్నికలను సజావుగా, ప్రశాంత వాతావరణంలో నిర్వహించేందుకు అవసరమైన కార్యాచరణపై ఈ సమావేశంలో జిల్లా యంత్రాంగానికి ఎస్‌ఈసీ కీలక ఆదేశాలు, మార్గదర్శకాలు జారీ చేసే అవకాశం ఉంది.
✍️ప్రేమ్ రాజ్, విజయవాడ, ఎన్టీఆర్ జిల్లా
