షేర్ మహమ్మద్ పేట టీడీపీ ఎంపీటీసీ అభ్యర్థులకు బీఫారాలు అందజేసిన ఎమ్మెల్యే శ్రీరాం తాతయ్య

జగ్గయ్యపేట రూరల్ మేజర్ న్యూస్ :-  జగ్గయ్యపేట మండలం షేర్ మహమ్మద్ పేట గ్రామానికి చెందిన తెలుగుదేశం పార్టీ ఎంపీటీసీ అభ్యర్థులకు ఎమ్మెల్యే శ్రీరాం తాతయ్య బీఫారాలను అందజేశారు.

గ్రామ ఎంపీటీసీ సెగ్మెంట్‌–1 నుంచి టీడీపీ అభ్యర్థిగా మార్తి రజని, సెగ్మెంట్‌–2 నుంచి శ్యామల వాసుదేవ రెడ్డి పోటీ చేయనున్న నేపథ్యంలో వారికి ఎమ్మెల్యే శ్రీరాం తాతయ్య బీఫారాలు అందజేసి శుభాకాంక్షలు తెలిపారు.

ఈ సందర్భంగా ఎమ్మెల్యే శ్రీరాం తాతయ్య మాట్లాడుతూ అభ్యర్థులు పార్టీ కోసం కష్టపడి పనిచేయాలని, ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని సూచించినట్లు తెలిపారు. పార్టీకి మంచి పేరు తీసుకురావడంతో పాటు ప్రజల నమ్మకాన్ని నిలబెట్టుకోవాలని అభ్యర్థులకు దిశానిర్దేశం చేశారు.

ఎమ్మెల్యే చేతుల మీదుగా బీఫారాలు అందుకున్న మార్తి రజని, శ్యామల వాసుదేవ రెడ్డి ఎన్నికల బరిలో నిలిచేందుకు సిద్ధమయ్యారు. ఈ కార్యక్రమంతో షేర్ మహమ్మద్ పేట గ్రామంలో టీడీపీ ఎన్నికల కార్యకలాపాలు మరింత ఊపందుకున్నాయి.

రిపోర్టర్ :శివా రెడ్డి జగ్గయ్యపేట రూరల్ ఎన్టీఆర్ జిల్లా