సర్పంచ్ ఎన్నికల్లో విజయమే లక్ష్యంగా కూటమి అభ్యర్థులకు దిశానిర్దేశం - ఎమ్మెల్యే ముత్తుముల
గిద్దలూరు, మేజర్న్యూస్ :
గిద్దలూరు పట్టణంలోని తెలుగుదేశం పార్టీ కార్యాలయంలో నియోజకవర్గ పరిధిలో ఎన్నికైన కూటమి పార్టీ సర్పంచ్ అభ్యర్థులతో గౌరవ ఎమ్మెల్యే శ్రీ ముత్తుముల అశోక్ రెడ్డి గారు ప్రత్యేకంగా సమావేశమయ్యారు. ఈ సందర్భంగా రానున్న సర్పంచ్ ఎన్నికలను దృష్టిలో ఉంచుకుని గ్రామస్థాయిలో పార్టీ నాయకులు, కార్యకర్తల సమన్వయంతో ముందుకు సాగాలని, ప్రజలతో నిరంతరం మమేకమవుతూ గ్రామాల్లో చేపట్టిన అభివృద్ధి కార్యక్రమాలు, కూటమి ప్రభుత్వం అమలు చేస్తున్న సంక్షేమ పథకాలను ప్రజలకు వివరించాలని అభ్యర్థులకు దిశానిర్దేశం చేశారు. ఎన్నికల కార్యాచరణ, ప్రచార వ్యూహాలు, స్థానిక సమస్యలు, ప్రజల ఆకాంక్షలపై పలు కీలక సూచనలు చేశారు. అనంతరం ఎమ్మెల్యే శ్రీ ముత్తుముల అశోక్ రెడ్డి గారి మార్గదర్శకత్వం, సహకారానికి కృతజ్ఞతలు తెలుపుతూ కూటమి పార్టీ బలపరిచిన అభ్యర్థులు శాలువాలు, పూల మాలలతో ఎమ్మెల్యే గారిని ఘనంగా సన్మానించారు. ఈ కార్యక్రమంలో కూటమి నాయకులు, సర్పంచ్ అభ్యర్థులు, పార్టీ శ్రేణులు తదితరులు పాల్గొన్నారు.