సర్పంచ్ ఎన్నికల్లో టీడీపీ బలపరిచిన అభ్యర్థులను గెలిపించండి - నంద్యాల జిల్లా టీడీపీ ప్రధాన కార్యదర్శి ఫిరోజ్
సూర్య, నంద్యాల బ్యూరో:నంద్యాల మండలం రాయమాలుపురం గ్రామంలో టీడీపీ గ్రామ ఇంచార్జ్ కాశన్న
ఆధ్వర్యంలో నిర్వహించిన గ్రామ ముఖ్య నాయకుల సమావేశానికి తెలుగుదేశం పార్టీ నంద్యాల జిల్లా ప్రధాన కార్యదర్శి ఎన్ఎండి ఫిరోజ్ హాజరయ్యారు. ఈ సందర్భంగా ఆయన మాట్లాడుతూ కూటమి ప్రభుత్వం అధికారంలోకి వచ్చిన నాటి నుంచి గ్రామంలో చేపట్టిన అభివృద్ధి పనులు, అమలు చేస్తున్న సంక్షేమ కార్యక్రమాలను వివరించారు. రానున్న స్థానిక ఎన్నికల్లో తెలుగుదేశం పార్టీ బలపరిచిన సర్పంచ్ అభ్యర్థికి గ్రామ ప్రజలు మద్దతు తెలియజేసి, తమ ఓటు హక్కును వినియోగించుకోవాలని కోరారు. పార్టీ బలపరిచిన అభ్యర్థిని గెలిపించుకొని గ్రామ అభివృద్ధిని మరింత వేగవంతం చేద్దామని ఫిరోజ్ గారు పిలుపునిచ్చారు.
*మధుబాబు, సూర్య బ్యూరో ఇంచార్జి, నంద్యాల జిల్లా*