పారిశుద్ధ్య కార్మికులకు ఘన సన్మానం -6వ వార్డు కౌన్సిలర్ పూల జరీన
సూర్య, నంద్యాల బ్యూరో:నంద్యాల పట్టణంలోని 6వ వార్డు కౌన్సిలర్ పూల జరీన తన కుమార్తె పుట్టినరోజు మరియు ఇటీవల జరిగిన మున్సిపల్ ఎన్నికల్లో విజయం సాధించిన సందర్భంగా 6వ వార్డు, 3వ వార్డుకు చెందిన పారిశుద్ధ్య కార్మికులను తన నివాసానికి గౌరవపూర్వకంగా ఆహ్వానించి సన్మానించారు. ఈ సందర్భంగా వారికి ఫ్రూట్స్ మరియు స్వీట్స్ పంపిణీ చేశారు. SDPI పార్టీ నంద్యాల అసెంబ్లీ ఆర్గనైజింగ్ సెక్రటరీ షేక్ కరీముల్లా మాట్లాడుతూ
ప్రతి రోజూ సూర్యోదయానికి ముందే విధులకు హాజరై వార్డులను పరిశుభ్రంగా ఉంచేందుకు నిరంతరం శ్రమిస్తున్న పారిశుద్ధ్య కార్మికుల సేవలు వెలకట్టలేనివని అన్నారు. చలి, వాన, ఎండలను సైతం లెక్కచేయకుండా తమ ఆరోగ్యాన్ని, ప్రాణాలను సైతం ప్రమాదంలో పెట్టి ప్రజల ఆరోగ్యం మరియు పారిశుద్ధ్యం కోసం సేవలందిస్తున్న కార్మికులను గౌరవించడం ఎంతో సంతోషంగా ఉందన్నారు. వారి సేవలను సమాజం ఎప్పటికీ గుర్తుంచుకోవాలని పేర్కొన్నారు. ఈ కార్యక్రమంలో SDPI పార్టీ 6వ వార్డు నాయకులు షేక్షావలి, అసెంబ్లీ ట్రెజరర్ వి. హనీఫ్, పారిశుద్ధ్య కార్మికుల మేస్త్రి రమణ, 6వ వార్డు మరియు 3వ వార్డుకు చెందిన పారిశుద్ధ్య కార్మికులు పాల్గొన్నారు.
*మధుబాబు, సూర్య బ్యూరో ఇంచార్జి, నంద్యాల జిల్లా*