సాంకేతిక భాషా దినోత్సవం – బధిరుల సంక్షేమానికి ప్రభుత్వం ఎల్లవేళలా కృషి చేస్తుంది

జిల్లా  కలెక్టర్ విజయ కృష్ణన్,  అనకాపల్లి, సెప్టెంబర్ 26: బధిరుల సంక్షేమానికి ప్రభుత్వం ఎల్లవేళలా కృషి చేస్తుందని జిల్లా కలెక్టర్ విజయ కృష్ణన్ పేర్కొన్నారు. జిల్లాలో  విభిన్న ప్రతిభావంతులు, వయోవృద్ధుల సంక్షేమ శాఖ ఆధ్వర్యంలో జిల్లా కలెక్టర్ కార్యాలయ సమావేశ మందిరంలో శనివారం ఉదయం ప్రపంచ సైన్ లాంగ్వేజ్ (సజ్ఞల భాష) దినోత్సవ కార్యక్రమాన్ని ఘనంగా నిర్వహించారు. ఈ కార్యక్రమానికి జిల్లా కలెక్టర్  విజయ కృష్ణన్ ముఖ్య అతిథిగా హాజరై జ్యోతి ప్రజ్వలన గావించి కార్యక్రమాన్ని ప్రారంభించారు.

ఈ సందర్భంగా జిల్లా కలెక్టర్ మాట్లాడుతూ.... అనకాపల్లి జిల్లాలో ప్రత్యేకంగా ఒక సైన్ లాంగ్వేజ్ ఇంటర్‌ప్రిటర్ (Sign Language Interpreter)ను నియమిస్తామని స్పష్టం చేశారు.  కొత్తగా ఏర్పాటు చేసిన పరిశ్రమలలో బధిరుల మూగ విద్యార్హతను బట్టి ఉద్యోగ అవకాశాలు పొందేలా చర్యలు తీసుకుంటామని హామీ ఇచ్చారు.  బధిరులకు ఎదురయ్యే ఎలాంటి సమస్యలనైనా తక్షణమే పరిష్కరిస్తామని తెలిపారు.

ఈ కార్యక్రమంలో  విభిన్న ప్రతిభావంతులు, వయోవృద్ధుల సంక్షేమ శాఖ సహాయ సంచాలకులు కుమారి G. అనూష, డి.ఆర్.ఓ వై సత్యనారాయణ రావు డీఈవో పేరేంటి, డి.ఇ.ఓ  నాగేశ్వరరావు, సంబంధిత శాఖల అధికారులు, సిబ్బంది పాల్గొన్నారు.

జారీ: డివిజనల్ పౌర సంబంధాల అధికారి, అనకాపల్లి