andhrapradesh
సామూహిక గీతా పారాయణం
సామూహిక గీతా పారాయణం
అవనిగడ్డ మేజర్ న్యూస్ భాద్రపద బహుళ ఏకాదశి పర్వదినాన్ని పురస్కరించుకుని భక్తులు సామూహిక భగవద్గీత పారాయణం చేశారు. స్థానిక గీతా మందిరంలో మంగళవారం పెద్ద సంఖ్యలో భక్తులు పాల్గొని ముందుగా శ్రీ విష్ణు సహస్రనామ స్తోత్ర పారాయణం చేసి అనంతరం సామూహిక భగవద్గీత పారాయణం చేశారు. ఈ సందర్భంగా లక్ష్మీ తారమ్మ అన్నపూర్ణ అరుణకుమారి తదితరుల ఆధ్వర్యంలో గీతలోని 18 పర్వాలను అత్యంత భక్తిశ్రద్ధలతో పారాయణం చేశారు. అనంతరం అర్చక స్వాములు భక్తులకు మంత్రపుష్పం తీర్థప్రసాదాలను వితరణ చేశారు ధర్మకర్త శ్రీ హరిబాబు ఏర్పాట్లను పర్యవేక్షించారు.-అజంతా శ్రీనివాస్ అవనిగడ్డ
