వర్మీ కంపోస్ట్ తయారీపై ఎంపీడీవో ఆఫీసులో శిక్షణా కార్యక్రమం

• ఎంపీడీవో నడిమింటి సూర్యనారాయణ వెల్లడి
• సూపరింటెండెంట్ నాలి అర్జునరావు తదితరులు

గరుగుబిల్లి: గ్రామ పంచాయతీలను స్వచ్ఛమైన మరియు పర్యావరణహిత గ్రామాలుగా తీర్చిదిద్దే లక్ష్యంతో, గ్రామ పంచాయతీ పరిధిలో పనిచేస్తున్న పంచాయతీ కార్యదర్శులకు (పంచాయతీ అభివృద్ధి అధికారులకు), గ్రీన్ అంబాసిడర్లకు వర్మీకంపోస్ట్ (వానపాముల ఎరువు) తయారీపై ప్రత్యేక అవగాహన మరియు శిక్షణా కార్యక్రమం నిర్వహించడం జరిగిందని మండల పరిషత్ అభివృద్ధి అధికారి నడిమింటి సూర్యనారాయణ పేర్కొన్నారు.మండల పరిషత్ అభివృద్ధి కార్యాలయంలో మంగళవారం గ్రామ పంచాయతీల్లో వర్మీకంపోస్ట్ తయారీపై గ్రీన్ అంబాసిడర్లు, పంచాయతీ కార్యదర్శులకు శిక్షణా కార్యక్రమమును నిర్వహించారు.ఈసందర్భంగా మండల పరిషత్ అభివృద్ధి అధికారి నడిమింటి సూర్యనారాయణ మాట్లాడుతూ గ్రామ పంచాయతీల్లో సేంద్రియ ఎరువుల ఉత్పత్తిని పెంచడమే లక్ష్యంగా ఈశిక్షణను ఏర్పాటు చేశామన్నారు.గ్రామాల్లో సేకరిస్తున్న తడి చెత్త, కూరగాయల వ్యర్థాలు, మరియు పేడను వానపాములు, ఉపయోగకరమైన సూక్ష్మజీవుల సహాయంతో కుళ్ళింపజేసి నాణ్యమైన సేంద్రియ ఎరువుగా ఎలా మార్చాలో ప్రాక్టికల్ పద్ధతిలో వివరించారు.తడి చెత్తను సమర్థవంతంగా నిర్వహించడం ద్వారా పల్లెల్లో పరిశుభ్రత పెరగడమే కాకుండా, ప్రకృతి వ్యవసాయానికి అవసరమైన బలమైన వర్మీకంపోస్ట్‌ను సొంతంగా తయారు చేసుకోవచ్చని అధికారులు తెలిపారు.ఈ శిక్షణలో వర్మీ బెడ్‌లను ఎలా ఏర్పాటు చేయాలి, తేమ శాతాన్ని ఎలా కాపాడుకోవాలి, వానపాముల రక్షణ మరియు ఎరువును సేకరించే విధానాలపై గ్రీన్ అంబాసిడర్లకు పూర్తిస్థాయిలో అవగాహన కల్పించారు. ఈకార్యక్రమంలో మండల పరిషత్ అభివృద్ధి కార్యాలయం సూపరింటెండ్ నాలి అర్జునరావు,పంచాయతీ కార్యదర్శులు బంటు అప్పారావు,సూరు శ్రీనివాసరావు,తిరుపతి భాస్కరరావు,రంభ శశిభూషణరావు, నీరస రవికుమార్,మరడాన భార్గవ్ కుమార్, అడ్డూరి లలితకుమారి,ఎస్ శ్రీలక్ష్మీ తదితరులు పాల్గొన్నారు.