రూరల్ లో పోలీసులు పటిష్ట బందోబస్తు

గుంటూరు జిల్లా క్రైమ్ న్యూస్: గుంటూరు రూరల్ మండలం పరిధిలో గురువారం జరిగిన ఎంపీటీసీ జడ్పిటిసి ఎన్నికలకు సంబంధించి పోలీసులు పటిష్ట బందోబస్తు ఏర్పాటు చేశారు. మొత్తం ఎనిమిది ఎంపిటిసి స్థానాలకు 32 పోలింగ్ కేంద్రాలను ఏర్పాటు చేశారు. పోలింగ్ కేంద్రంలో ఓటర్ల స్లిప్పులను తనిఖీ చేసి లోనికి పంపించారు. నిబంధనల మేరకు 200 మీటర్లు దూరంలో ఎవరు సంచరించకుండా చర్యలు చేపట్టారు. వెంగలయపాలెం -1 కేంద్రం వద్ద స్వల్ప ఘర్షణ జరిగింది. పోలీసులు అప్రమత్తమై చదరగొట్టారు. జడ్పిటిసి జనసేన పార్టీ అభ్యర్థి చింత సాంబశివరావు, జడ్పిటిసి వైకాపా అభ్యర్థి ఇంటూరి అంజిరెడ్డి, ఎంపీటీసీ అభ్యర్థులు పోలింగ్ కేంద్రాల వద్దకు చేరుకొని ఓట్లు నమోదుపై ఆరా తీశారు. ఎన్నికలు ప్రశాంతంగా జరగటంతో ప్రజలు ఊపిరి పీల్చుకున్నారు.