రహదారి భద్రత పై అవగాహన

రహదారి భద్రతపై అవగాహన కలిగి ఉండాలి, 

జంగారెడ్డిగూడెం-మేజర్ న్యూస్,

రోడ్డు భద్రత ప్రతి ఒక్కరి బాధ్యత

విద్యార్థులు తప్పనిసరిగా డ్రైవింగ్ లైసెన్సు కలిగి ఉండాలని, వాహనాలకు సంబంధించిన అన్ని ధ్రువపత్రాలు సక్రమంగా ఉంచుకోవాలని అధికారులు సూచించారు. ద్విచక్ర వాహనాలు నడిపే సమయంలో తప్పనిసరిగా హెల్మెట్ ధరించాలని, ఓవర్‌స్పీడ్‌, సెల్‌ఫోన్‌ మాట్లాడుతూ డ్రైవింగ్‌, ట్రిపుల్‌ డ్రైవింగ్‌, రాంగ్‌ డైరెక్షన్‌లో వాహనాలు నడపడం వంటి ప్రమాదకర చర్యలకు దూరంగా ఉండాలని సూచించారు. కార్లు నడిపే వారు తప్పనిసరిగా సీటు బెల్ట్‌ ధరించాలని తెలిపారు.

వ్యక్తిగత భద్రతతో పాటు ప్రజల భద్రతను దృష్టిలో ఉంచుకుని ప్రతి ఒక్కరూ బాధ్యతాయుతంగా వాహనాలు నడపాలని అధికారులు కోరారు. రోడ్డు ప్రమాదానికి గురైన వారిని గోల్డెన్‌ అవర్‌లో ఆసుపత్రికి తరలించి ప్రాణాలు కాపాడిన వారికి రోడ్డు భద్రతలో భాగంగా ‘రహవీర్‌ అవార్డు’ కింద ప్రభుత్వం రూ.25 వేల నగదు అందజేస్తుందని వివరించారు. ప్రమాద బాధితులకు సకాలంలో వైద్యం అందేలా ప్రతి ఒక్కరూ సహకరించాలని కోరారు.ఈ కార్యక్రమంలో ఇన్‌చార్జి ఆర్టీఓ కేడీవీ రవి గోపాల్‌, అసిస్టెంట్‌ మోటార్‌ వెహికల్స్‌ ఇన్‌స్పెక్టర్‌ సీహెచ్‌ సత్యనారాయణమూర్తి, రవాణాశాఖ సిబ్బంది పాల్గొన్నారు.

 కె.వి రమణారావు జంగారెడ్డిగూడెం,

.