రాయలసీమను 'గ్లోబల్ హార్టికల్చర్ హబ్'గా తీర్చిదిద్దుతాం: మంత్రి నారా లోకేష్ శపథం

మదనపల్లి, సూర్య ప్రతినిధి :మదనపల్లెలో 'గ్లోబల్ హార్టికల్చర్ హబ్' శంకుస్థాపన కార్యక్రమంలో రాష్ట్ర విద్యుత్, సమాచార సాంకేతిక శాఖల మంత్రి నారా లోకేష్ ఉద్వేగభరితంగా ప్రసంగించారు. సీమ పౌరుషం ఎలాంటిదో యావత్ ప్రపంచానికి తెలుసని, అయితే ఇకపై రాయలసీమ రైతుల కష్టపడే తత్వం, వారి వ్యవసాయ సత్తా ఏంటో ప్రపంచమంతా చూస్తుందని స్పష్టం చేశారు.

రాయలసీమలోని ప్రతి హెక్టార్ భూమిని ఉద్యాన పంటల కేంద్రీకృతంగా మార్చి, రాష్ట్రాన్ని ప్రపంచంలోనే అత్యుత్తమ హార్టికల్చర్ హబ్‌గా తీర్చిదిద్దే పూర్తి బాధ్యతను తమ ప్రభుత్వం తీసుకుంటుందని మంత్రి హామీ ఇచ్చారు. సీమ నేలలో పండే మామిడి, అరటి, టమోటా, దానిమ్మ వంటి పంటలు నాణ్యతలో అంతర్జాతీయ ప్రమాణాలకు ఏమాత్రం తీసిపోవని పేర్కొన్నారు. ప్రాసెస్ యూనిట్లు, అంతర్జాతీయ మార్కెటింగ్ వసతులను కల్పించి మన రైతులు పండించిన పంటలను విదేశాలకు భారీగా ఎగుమతి అయ్యేలా ప్రణాళికలు సిద్ధం చేశామని లోకేష్ వెల్లడించారు.