రావులపాలెం మండలంలో 68.92 శాతం పోలింగ్

                             మొత్తం 73,126 మంది ఓటర్లు.. ఓటు హక్కు వినియోగించుకున్న 50,396 మంది

రావులపాలెం: మేజర్ న్యూస్ :రావులపాలెం మండల పరిధిలోని 12 గ్రామాల్లో 24 ఎంపీటీసీ స్థానాలకు గురువారం (నవంబర్ 5) నిర్వహించిన ఎన్నికల్లో 68.92 శాతం పోలింగ్ నమోదైంది. మండలవ్యాప్తంగా మొత్తం 73,126 మంది ఓటర్లు ఉండగా, వారిలో 50,396 మంది తమ ఓటు హక్కును వినియోగించుకున్నారు.
మొత్తం 78 పోలింగ్ కేంద్రాల్లో ఎన్నికల పోలింగ్ నిర్వహించారు. ఓటు హక్కు వినియోగించుకున్న వారిలో 24,677 మంది పురుషులు, 25,719 మంది మహిళలు ఉన్నారు. పురుషుల కంటే మహిళా ఓటర్లు 1,042 మంది అధికంగా ఓటు వేయడం విశేషం.
మొత్తం ఓటర్లలో 37,326 మంది మహిళలు, 35,798 మంది పురుషులు ఉండగా, మహిళా ఓటర్ల సంఖ్య పురుషుల కంటే ఎక్కువగా ఉంది. దీంతో ఈ ఎన్నికల్లో మహిళా ఓటర్ల భాగస్వామ్యం కీలకంగా మారింది.మండలంలోని 24 ఎంపీటీసీ స్థానాల్లో ప్రధాన రాజకీయ పార్టీలైన వైఎస్సార్ కాంగ్రెస్ పార్టీ, తెలుగుదేశం పార్టీ, జనసేన, బీజేపీ అభ్యర్థులు పోటీలో నిలిచారు. గ్రామాల వారీగా నమోదైన పోలింగ్ శాతం, ఆయా పార్టీల అభ్యర్థులకు వచ్చిన ఓట్ల ఆధారంగా గెలుపోటములపై రాజకీయ వర్గాల్లో ఉత్కంఠ నెలకొంది.