విద్యార్థుల సమస్యల పరిష్కారంలో ప్రభుత్వం విఫలం: ఎమ్మెల్యే మసీద్ హుస్సేన్

సూర్య జగిత్యాల ప్రతినిధి: విద్యార్థుల సమస్యలను పరిష్కరించడంలో రాష్ట్ర ప్రభుత్వం పూర్తిగా విఫలమైందని నాంపల్లి ఎమ్మెల్యే మసీద్ హుస్సేన్ విమర్శించారు. ప్రభుత్వ పాఠశాలలు, కళాశాలల్లో కనీస మౌలిక వసతులు కల్పించడంలోనూ ప్రభుత్వం నిర్లక్ష్యంగా వ్యవహరిస్తోందని ఆరోపించారు.జ గిత్యాల జిల్లా కేంద్రంలో ఎంఐఎం ఆధ్వర్యంలో నిర్వహించిన సలార్ ఈ మిలాద్ ఆల్ ఇన్ వన్ గైడ్స్ పంపిణీ కార్యక్రమంలో ఆయన పాల్గొని ఉర్దూ మీడియం పదో తరగతి విద్యార్థులకు ఉచితంగా గైడ్స్ పంపిణీ చేశారు. ఈ సందర్భంగా మాట్లాడుతూ.. జగిత్యాల ప్రజల ఓట్లతో గెలిచిన నాయకులు నియోజకవర్గ అభివృద్ధికి ఏం చేస్తున్నారని ప్రశ్నించారు.రెండు పడవలపై ప్రయాణం చేసేవారు చివరకు రెండు పడవలనూ ముంచుతారంటూ స్థానిక ఎమ్మెల్యే సంజయ్ కుమార్‌ను ఉద్దేశించి ఘాటైన వ్యాఖ్యలు చేశారు. ఆయనపై పలు విమర్శలు చేశారు.