*ఖేడ్ మున్సిపల్ పరిధిలో అభివృద్ధి పనులకు భూమి పూజ చేసిన మున్సిపల్ చైర్మన్ నగేష్ షెట్కర్*

నారాయణఖేడ్;నారాయణఖేడ్ మున్సిపల్ పట్టణంలో రైతు బజార్ వద్ద స్వచ్ఛాలయం నిర్మాణానికి, మున్సిపల్ పరిధిలోని 8వ వార్డులో ఎస్సీ కమ్యూనిటీ హాల్ నిర్మాణానికి, అలాగే గ్రేవ్‌యార్డ్ కాంపౌండ్ వాల్ నిర్మాణానికి భూమి పూజ కార్యక్రమాలు నిర్వహించారు. ఈ సందర్భంగా మున్సిపల్ చైర్మన్ నగేష్ కుమార్ షెట్కర్ మున్సిపల్ కమిషనర్ ప్రశాంతి కలిసి కొబ్బరికాయ కొట్టి నిర్మాణ పనులను ప్రారంభించారు. పట్టణ అభివృద్ధికి ప్రాధాన్యతనిస్తూ ప్రజలకు అవసరమైన మౌలిక సదుపాయాల కల్పనకు కృషి చేస్తున్నట్లు తెలిపారు. ఈ కార్యక్రమంలో మున్సిపల్ వైస్ చైర్మన్ దారం శంకర్ షెట్, మున్సిపల్ కౌన్సిలర్లు వివేకానంద మహేందర్, లక్ష్మణ్, మహేష్, బణపురం రాజు, గోపాల్ రెడ్డి, సుబుర్, కోఆప్షన్ సభ్యుడు నగేష్, మాజీ కౌన్సిలర్ నర్సింలు, విఠల్ తదితరులు పాల్గొన్నారు.