వేదమంత్రోచ్ఛారణలు.. అయ్యప్ప స్వాముల భజనలతో మార్మోగిన నవరత్నాలయం

సంగారెడ్డి;అయ్యప్ప స్వామి వారి జన్మ నక్షత్ర వేడుకలను పురస్కరించుకుని శ్రీ నవరత్నాలయ దేవస్థానంలో వేడుకలను భక్తిశ్రద్ధలతో ఘనంగా నిర్వహించారు. సాహితీ హాస్పిటల్ అధినేత రాము గురుస్వామి ఆధ్వర్యంలో ప్రత్యేక పడిపూజ కార్యక్రమం నిర్వహించారు.ఈ సందర్భంగా అయ్యప్ప స్వాములు ప్రత్యేక పూజలు నిర్వహించి ఆలయ అర్చకులు రాఘవేంద్ర జోషి వేదమంత్రోచ్ఛారణల మధ్య స్వామివారిని కొలిచారు. అయ్యప్ప స్వాముల భజన పాటలు, భక్తి గీతాలతో నవరత్నాలయం ఆధ్యాత్మిక శోభను సంతరించుకుంది.అనంతరం స్థానిక జిల్లా కేంద్ర ఆసుపత్రి ఆవరణలో భక్తులు, రోగులు, వారి సహాయకులకు అన్నప్రసాద వితరణ కార్యక్రమం నిర్వహించారు. భక్తులు పెద్ద సంఖ్యలో పాల్గొని స్వామివారి తీర్థప్రసాదాలు స్వీకరించారు. భక్తి, సేవాభావంతో నిర్వహించిన ఈ కార్యక్రమం ఆధ్యాత్మిక వాతావరణాన్ని నింపింది.