రాష్ట్ర స్థాయి వాలీబాల్‌ పోటీలకు ఎంపికైన కర్రి శేఖర్‌కు అభినందనలు*
*గ్రామీణ క్రీడాకారుడి ప్రతిభకు ప్రోత్సాహం తెలిపిన లయన్‌ డా. ఎం.కె. మిశ్రో*
ఎల్ ఎన్ పేట నవంబర్ 12 మేజర్ న్యూస్:
లక్ష్మీ నర్సుపేట గ్రామంలోని జిల్లా పరిషత్‌ ఉన్నత పాఠశాలలో పదో తరగతి చదువుతున్న కర్రి శేఖర్‌ రాష్ట్ర స్థాయి వాలీబాల్‌ పోటీలకు ఎంపిక కావడం పట్ల పలువురు హర్షం వ్యక్తం చేశారు. ఈ సందర్భంగా లయన్‌ డా. ఎం.కె. మిశ్రో శేఖర్‌ను అభినందించి, క్రీడల్లో మరింత రాణించాలని ఆకాంక్షించారు. గ్రామీణ ప్రాంతాల్లో ప్రతిభ కలిగిన క్రీడాకారులను గుర్తించి ప్రోత్సహించడం ఎంతో అవసరమని ఈ సందర్భంగా పేర్కొన్నారు. క్రీడలు విద్యార్థుల్లో క్రమశిక్షణ, పట్టుదల, ఆత్మవిశ్వాసాన్ని పెంపొందిస్తాయని, సరైన శిక్షణతో ఉన్నత స్థాయికి చేరుకోవచ్చని తెలిపారు. ఈ కార్యక్రమంలో ఇంచార్జి ప్రధానోపాధ్యాయులు సీతారామరాజు, ఉపాధ్యాయులు, ఉపాధ్యాయినులు, గురుభక్తం, శ్రీరాములు, శ్రీనివాసరావు, గోవిందరావు, రంగనాథం, ప్రజాకర్‌ రావు, బాలకృష్ణ, పాపయ్య తదితరులు పాల్గొని కర్రి శేఖర్‌కు అభినందనలు తెలిపారు. భవిష్యత్తులో మరిన్ని విజయాలు సాధించి పాఠశాలకు, గ్రామానికి, జిల్లాకు మంచి పేరు తీసుకురావాలని ఆకాంక్షించారు.
