పులివెందుల మున్సిపాలిటీ పీఠం వైసిపిదే

పులివెందుల మేజర్ న్యూస్:
వైఎస్సార్ కాంగ్రెస్ పార్టీ కంచుకోట పులివెందులలో విజయకేతనం ఎగరేసేది వైసీపీనే,మున్సిపల్ చైర్‌పర్సన్ అభ్యర్థిగా బరిలోకి దిగిన వైఎస్ ప్రమీలమ్మ గెలుపు నల్లేరుపై బండి నడకేనని పార్టీ యూత్ అధ్యక్షుడు రామ్ లక్ష్మణ్ రెడ్డి ధీమా వ్యక్తం చేశారు.వైఎస్ ప్రమీలమ్మ అభ్యర్థిత్వ ప్రకటనతో పులివెందుల వ్యాప్తంగా పార్టీ శ్రేణుల్లో నయా జోష్ నిండిందని,క్యాడర్ అంతా యుద్ధక్షేత్రంలో సైనికుల్లా కదం తొక్కేందుకు సిద్ధంగా ఉందని ఆయన స్పష్టం చేశారు.​ఈ సందర్భంగా రామ్ లక్ష్మణ్ రెడ్డి మాట్లాడుతూ పులివెందుల పురపాలక పరిధిలో వైఎస్సార్ కుటుంబం,వైఎస్సార్సీపీ చేసిన అభివృద్ధి ప్రజల కళ్లముందే కనిపిస్తోందని,ప్రజలతో ఉన్న ఆత్మీయ అనుబంధమే మనకు శ్రీరామరక్ష అని పేర్కొన్నారు.వైఎస్ ప్రమీలమ్మ గెలుపే ఏకైక లక్ష్యంగా నాయకులు,కార్యకర్తలు ఒకే తాటిపై నడిచి సమన్వయంతో పనిచేయాలని పిలుపునిచ్చారు.ప్రతీ గడపనూ తొక్కి ప్రజా సమస్యలను తెలుసుకుంటూ ప్రజల ఆశీస్సులు పొందాలని దిశానిర్దేశం చేశారు.
రానున్న రోజుల్లో ప్రచార పర్వాన్ని మరింత ఉధృతం చేసి విపక్షాలకు డిపాజిట్లు కూడా దక్కకుండా చేయడమే మన లక్ష్యమని హెచ్చరించారు.​పులివెందుల మున్సిపాలిటీలో వైఎస్సార్ కాంగ్రెస్ పార్టీ ప్రభంజనం సృష్టించడం ఖాయమని,వైఎస్ ప్రమీలమ్మ భారీ మెజారిటీతో విజయం సాధించి మున్సిపల్ చైర్‌పర్సన్‌గా బాధ్యతలు చేపడతారని రామ్ లక్ష్మణ్ రెడ్డి స్పష్టం చేశారు.

పి కృష్ణ పులివెందుల స్టాప్ రిపోర్టర్ కడప జిల్లా