చుక్కపేట ఆలయంలో సహస్ర కుంకుమార్చన పూజలు

గుర్ల, సూర్య : మండలంలోని చుక్కపేట గ్రామంలో వెలసిన శ్రీ విజయదుర్గ అమ్మవారి ఆలయంలో శరన్నవరాత్రుల సందర్భంగా పంచమి లక్ష్మివారం ఉదయం 8 గంటల నుంచి సహస్ర కుంకుమార్చన పూజలు ఆలయ ప్రధాన అర్చకులు మహమిడి సత్యనారాయణ శర్మ ఆధ్వర్యంలో  ఘనంగా నిర్వహించారు. ఈ సహస్ర  కుంకుమార్చన పూజలకు భవానీ  భక్తులు, మహిళలు అధిక సంఖ్యలో పాల్గొని భక్తిశ్రద్ధలతో పూజలు నిర్వహించారు.ఈ సందర్భంగా అర్చకులు మాట్లాడుతూ శరన్నవరాత్రులు అమ్మవారు వివిధ రూపాలు కొలువై ఉంటారని ప్రతిరోజు దర్శించుకున్న వారికి అమ్మవారు కృపా కటాక్షం అనుగ్రహం సంపూర్ణంగా ఉంటాయని తెలిపారు. కార్యక్రమంలో భవాని మాలధారణ చేసిన భక్తులు వివిధ గ్రామాల నుంచి వచ్చిన భక్తులు ప్రత్యేక పూజలు నిర్వహించుకొని అమ్మవారి ఆశీస్సులు పొందారు.

రిపోర్టర్ : రాము నాయుడు, గుర్ల,  విజయనగరం జిల్లా.