ప్రమాణ స్వీకారం చేసిన సెట్టూరు ఎంపీపీ, వైస్ ఎంపీపీల, ఎంపీటీసీలు.
ప్రమాణ స్వీకారం చేసిన శెట్టూరు మండల ఎంపీపీ, వైస్ ఎంపీపీ, ఎంపీటీసీలు
నూతన ప్రజాప్రతినిధులకు అభినందనలు.. ఎమ్మెల్యే అమిలినేని సురేంద్రబాబుకు కృతజ్ఞతలు తెలిపిన నాయకులు
శెట్టూరు మండలంలో నూతనంగా ఎన్నికైన మండల ప్రజాప్రతినిధుల ప్రమాణ స్వీకార కార్యక్రమం ఘనంగా నిర్వహించారు. మండల పరిషత్ అధ్యక్షురాలిగా తెలుగుదేశం పార్టీ అధిష్టానం ఖరారు చేసిన అభ్యర్థి రామలక్ష్మి, ఉపాధ్యక్షుడిగా మనోహర్తో పాటు నూతనంగా ఎన్నికైన ఎంపీటీసీ సభ్యులు ప్రమాణ స్వీకారం చేశారు.
ఈ సందర్భంగా నూతనంగా బాధ్యతలు స్వీకరించిన ప్రజాప్రతినిధులు మండల అభివృద్ధి, ప్రజా సంక్షేమానికి ప్రాధాన్యతనిస్తూ బాధ్యతాయుతంగా పనిచేస్తామని ఆకాంక్షించారు. ప్రజలు తమపై ఉంచిన నమ్మకాన్ని నిలబెట్టుకుంటూ గ్రామీణ ప్రాంతాల అభివృద్ధికి కృషి చేస్తామని తెలిపారు.
ప్రమాణ స్వీకారం అనంతరం ఎంపీపీ రామలక్ష్మి, వైస్ ఎంపీపీ మనోహర్తో పాటు ఎంపీటీసీ సభ్యులు కళ్యాణదుర్గం నియోజకవర్గ ఎమ్మెల్యే అమిలినేని సురేంద్రబాబుకు ప్రత్యేకంగా కృతజ్ఞతలు తెలియజేశారు. తమకు అవకాశం కల్పించడంలో సహకరించిన పార్టీ అధిష్టానానికి, నాయకులకు ధన్యవాదాలు తెలిపారు.
మండలంలో అభివృద్ధి కార్యక్రమాలను ముందుకు తీసుకెళ్లడంలో సమష్టిగా పనిచేస్తూ, ప్రజల సమస్యల పరిష్కారానికి అందుబాటులో ఉంటామని నూతన ప్రజాప్రతినిధులు పేర్కొన్నారు. నూతన పాలకవర్గం బాధ్యతలు చేపట్టడంతో శెట్టూరు మండలంలో అభివృద్ధి కార్యక్రమాలకు మరింత ఊతం లభిస్తుందని పార్టీ శ్రేణులు ఆశాభావం వ్యక్తం చేశాయి.
ఖాసిం,నేటి దినపత్రిక సూర్య రిపోర్టర్ సెట్టూరు.