andhrapradesh
అద్దంకి ఆర్డీఓ కేంద్రంలో 53 నామినేషన్లు.. సర్పంచ్ పదవికి 30, వార్డులకు 23 దాఖలు.
సూర్య న్యూస్ అద్దంకి.
అద్దంకి ఆర్డీఓ కార్యాలయంలో ఏర్పాటు చేసిన ప్రత్యేక నామినేషన్ల స్వీకరణ కేంద్రంలో గురువారం అద్దంకి, దర్శి నియోజకవర్గాల పరిధిలో మొత్తం 53 నామినేషన్లు దాఖలయ్యాయి. రెండు నియోజకవర్గాల్లో కలిపి సర్పంచ్ పదవులకు 30 మంది, వార్డు మెంబర్ పదవులకు 23 మంది అభ్యర్థులు నామినేషన్ పత్రాలు సమర్పించారు. అద్దంకి నియోజకవర్గం సంతమాగులూరు మండలంలో సర్పంచ్ పదవులకు ముగ్గురు, వార్డు మెంబర్ పదవులకు ఐదుగురు నామినేషన్ పత్రాలు సమర్పించారు.
దర్శి మండలంలో సర్పంచ్ పదవులకు 16, దొనకొండ మండలంలో 2, కురిచేడు మండలంలో 2 నామినేషన్లు దాఖలు కాగా ముండ్లమూరు మండలంలో సర్పంచ్ పదవికి 7, వార్డు మెంబర్ పదవులకు 18 నామినేషన్లు సమర్పించారు. మొత్తం మీద రెండు నియోజకవర్గాలలో కలిపి సర్పంచ్ పదవులకు 30 వార్డు మెంబర్లకు 23 నామినేషన్ పత్రాలు దాక లేనట్లు ఆర్ ఓలు సుధాకర్, ప్రకాశరావు తెలిపారు.