ఎంపీపీ తుపాకుల చిన్న శేషయ్య, ఉపాధ్యక్షురాలు చింతల సోనియాకు టీడీపీ ఆధ్వర్యంలో ఘన సన్మానం గజమాలలు, పూలమాలలు, శాలువాలతో సత్కారం.
చిట్టమూరు మేజర్ న్యూస్
చిట్టమూరు మండల పరిషత్ అధ్యక్షుడిగా ఏకగ్రీవంగా ఎన్నికైన తుపాకుల చిన్న శేషయ్య, ఉపాధ్యక్షురాలిగా ఎన్నికైన చింతల సోనియాకు తెలుగుదేశం పార్టీ ఆధ్వర్యంలో ఘనంగా సన్మాన కార్యక్రమం నిర్వహించారు. మండల పరిషత్ కార్యాలయంలో గురువారం టీడీపీ మండల కన్వీనర్ గణపర్తి కిషోర్ నాయుడు ఆధ్వర్యంలో ఈ కార్యక్రమం జరిగింది.ఈ సందర్భంగా తెలుగుదేశం పార్టీ నాయకులు, కార్యకర్తలు పెద్ద ఎత్తున తరలివచ్చి నూతనంగా ఎన్నికైన ఎంపీపీ తుపాకుల చిన్న శేషయ్య,ఉపాధ్యక్షురాలు చింతల సోనియాలకు పూలమాలలు, శాలువాలు, భారీ గజమాలలతో ఘనంగా సత్కరించి శుభాకాంక్షలు తెలియజేశారు. పార్టీ శ్రేణుల నినాదాలతో మండల పరిషత్ కార్యాలయ ప్రాంగణం సందడిగా మారింది. మండలంలోని మొత్తం 12 ఎంపీటీసీ స్థానాలకు గాను తెలుగుదేశం పార్టీ ఎనిమిది స్థానాలను కైవసం చేసుకోవడంతో పార్టీ శ్రేణుల్లో ఉత్సాహం నెలకొంది. ఎంపీపీ, ఉపాధ్యక్ష పదవులను ఏకగ్రీవంగా దక్కించుకోవడంతో తెలుగు తమ్ముళ్లు ఆనందం వ్యక్తం చేస్తూ పెద్ద ఎత్తున బాణసంచా కాల్చి సంబరాలు జరుపుకున్నారు. అదేవిధంగా మండలంలోని ఎనిమిది ఎంపీటీసీ స్థానాల్లో టీడీపీ తరఫున ఎన్నికైన ఎంపీటీసీలను ఆయా సెగ్మెంట్ల పరిధిలోని స్థానిక నాయకులు ప్రత్యేకంగా పూలమాలలు, గజమాలలతో ఘనంగా సన్మానించి అభినందనలు తెలిపారు.
*టీడీపీ తరఫున ఎంపీటీసీలుగా ఎన్నికైన వారు*
1. కనుబోయిన శేషమ్మ – బురదగాలి
2. కమతం చెంగయ్య – కోగిలి
3. కుదురు అమీరమ్మ – మల్లాం-1
4. చల్లా కిరణ్మయి – గుణపాడు
5. చింతల సోనియా – చిట్టమూరు
6. తుపాకుల చిన్న శేషయ్య – చిల్లమూరు
7. నల్లారెడ్డి మదాలస – అరవపాలెం
8. భట్టా రామయ్య – ఈశ్వరవాక
ఈ కార్యక్రమంలో జడ్పిటిసి సభ్యురాలు పెళ్లూరు సౌజన్య రెడ్డి, తెలుగుదేశం పార్టీ సీనియర్ నాయకులు ఈశ్వరవాక శివకోటారెడ్డి, యూనిట్ ఇన్చార్జి మారం రెడ్డి జనార్దన్ రెడ్డి, నాయకులు వెదనపర్తి రాజగోపాల్ రెడ్డి, షేక్ రషీద్, గుండు బోయిన కస్తూరయ్య యాదవ్, నల్లారెడ్డి రాజేష్ రెడ్డి, దొడ్డగ వెంకటరమణయ్య, ఆరూరు గిరినాయుడు, నూతలపాటి మునిబాబు నాయుడు, బాబు నాయుడు, గోపాల్ నాయుడు, మేరి గల మధు యాదవ్ తదితరులు పాల్గొన్నారు.
అంపల్లి మురళి చిట్టమూరు మేజర్ న్యూస్