ప్రజలంతా సుఖసంతోషాలతో ఉండాలని ఆకాంక్ష వినాయక మండపంలో పూజ.. రాజోలి వీరారెడ్డి

ప్రజలంతా సుఖసంతోషాలతో ఉండాలని ఆకాంక్ష

వినాయక మండపంలో పూజ..
రాజోలి వీరారెడ్డి

కడప మేజర్ న్యూస్

కడప నగరంలోని ఎన్జీవో కాలనీ ప్రాంతంలో ఏర్పాటు చేసిన వినాయక మండపంలో సోమవారం వైఎస్సార్‌సీపీ రాష్ట్ర కార్యనిర్వాహక సభ్యుడు రాజోలి వీరారెడ్డి ప్రత్యేక పూజలు నిర్వహించారు. మండప నిర్వాహకుల ఆహ్వానం మేరకు ఆయన వినాయకుడిని దర్శించుకుని స్వామివారికి భక్తిశ్రద్ధలతో పూజలు నిర్వహించారు. ఈ సందర్భంగా రాజోలి వీరారెడ్డి మాట్లాడుతూ విఘ్నేశ్వరుని అనుగ్రహంతో ప్రజలందరూ సుఖసంతోషాలతో, ఆయురారోగ్యాలతో, శాంతి సౌభాగ్యాలతో జీవించాలని ఆకాంక్షించారు. ఆది దేవుడైన శ్రీ వినాయకుని ఆశీస్సులు ప్రతి ఒక్కరి కుటుంబంపై ఉండాలని, ప్రజల జీవితాల్లో సుఖశాంతులు, ఆనందం, ఐశ్వర్యం వెల్లివిరియాలని కోరుకున్నారు. వినాయక చవితి పర్వదినం భక్తిభావానికి, ఐక్యతకు ప్రతీకగా నిలుస్తుందని పేర్కొన్నారు. ప్రజలందరూ భక్తిశ్రద్ధలతో విఘ్నేశ్వరుడిని పూజించి, స్వామివారి ఆశీస్సులు పొందాలని ఆకాంక్షించారు. పండుగను ప్రజలంతా ఆనందోత్సాహాలతో, భక్తిభావంతో జరుపుకోవాలని పిలుపునిచ్చారు. అనంతరం మండప నిర్వాహకులు రాజోలి వీరారెడ్డిని సత్కరించి, స్వామివారి ప్రసాదాన్ని అందజేశారు. ఈ కార్యక్రమంలో మండప నిర్వాహకులు, భక్తులు, స్థానికులు పాల్గొన్నారు..