అవకాడో సాగుపై కలెక్టర్ ప్రశంసలు
*ఆవకాడో సాగుపై కలెక్టర్ ప్రశంసలు
వెలిదెండ్లలో రైతు వరధారెడ్డి తోట సందర్శన*
లింగాల మేజర్ న్యూస్:- వైఎస్సార్ జిల్లా కలెక్టర్ చేరుకూరి శ్రీధర్ లింగాల మండలం వెలిదెండ్ల గ్రామంలోని ఆవకాడో రైతు వరధారెడ్డి తోటను ఆకస్మికంగా సందర్శించారు. ఆవకాడో మొక్కల ఎదుగుదల, సాగు విధానం, రకాలు, దిగుబడి తదితర వివరాలను రైతును అడిగి తెలుసుకున్నారు.
ఆవకాడో సాగులో రైతు అనుసరిస్తున్న ఆధునిక పద్ధతులను కలెక్టర్ అభినందించారు. వరధారెడ్డి తోటలోని నాణ్యమైన మదర్ ప్లాంట్ల నుంచి మంచి రకాలను ఎంపిక చేసి నర్సరీని అభివృద్ధి చేయాలని ఉద్యానవన శాఖ అధికారులను ఆదేశించారు. నాణ్యమైన మొక్కలను ఇతర రైతులకు అందుబాటులోకి తీసుకురావడంతో పాటు జిల్లాలో ఆవకాడో సాగును మరింత విస్తరించాలని సూచించారు.
స్థానిక పరిస్థితులకు అనుగుణంగా ఆవకాడో సాగు చేస్తూ ఇతర రైతులకు ఆదర్శంగా నిలుస్తున్న వరధారెడ్డిని కలెక్టర్ ప్రత్యేకంగా అభినందించారు.
ఈ కార్యక్రమంలో జిల్లా ఉద్యాన అధికారి హరి ప్రసాద్, జిల్లా వ్యవసాయ అధికారి సుబ్రహ్మణ్యేశ్వరావు, ఏడీఏ ప్రభాకర్ రెడ్డి, ఉద్యాన అధికారి శ్రీమతి దీప, మండల వ్యవసాయ అధికారి రమేష్, సచివాలయ సిబ్బంది, రైతులు పాల్గొన్నారు.
