పోషకాహార లోపం నివారణలో అంగన్వాడీల పాత్ర కీలకం

రావికమతం  అక్టోబర్6 మేజర్ న్యూస్: అంగన్వాడి కేంద్రాల పరిధిలో  లబ్ధిదారులకు  పోషకాహారం లోపం లేకుండా కంటికి రెప్పలా కాపాడుతున్న  అంగన్వాడీలు  అభినందనీయులని  జెడ్. బెన్నవరం మాజీ సర్పంచ్ అర్జున కొనియాడారు. కిత్తంపేట అంగన్వాడి కేంద్రంలో మంగళవారం పోషణ్ మాసో త్సవాలు లో భాగంగా పెరటి తోటలో  లభించే కాయగూరలు, ఆకుకూరలతో  పోషకాహారం తయారీపై మహిళలకు అవగాహన కల్పించారు. విటితో  తయారు చేసిన పదార్థాలను ప్రదర్శనగా ఉంచారు. ఈ కార్యక్రమానికి గ్రామస్తులను అంగన్వాడి సిబ్బంది ఆహ్వానించారు. దీనిలో పాల్గొన్న అర్జున మాట్లాడుతూ  ప్రభుత్వ ఆదేశాలు అమలు చేస్తూ, సరఫరా చేసిన పోషక పదార్థాలు  సక్రమంగా పంపిణీ చేయాలని కోరారు. గర్భిణీలు, బాలింతలు, పిల్లలుకు క్రమ పద్ధతిలో పోషకాహారం  తీసుకొని విధంగా చైతన్యవంతులు చేయాలని కోరారు. ఈ కార్యక్రమంలో మండల టిడిపి పార్టీ ప్రతినిధి  రమేష్ తదితరులు పాల్గొన్నారు.