అంగన్వాడీ సేవలు బహుళ ప్రయోజనకరం

అంగన్వాడి సేవలు బహుళ ప్రయోజనకరం 
ఆత్మకూరు, మేజర్ న్యూస్, సోమా వెంకటసుబ్బయ్య :
అంగన్వాడీ కేంద్రంలో లభించే సేవలు బహుళ ప్రయోజనకరమైనవని ఆత్మకూరు పట్టణంలోని వందూరుగుంట 2 అంగన్వాడీ కేంద్ర కార్యకర్త గుల్జార్ బేగం పేర్కొన్నారు. మంగళవారం వందూరుగుంట2 అంగన్వాడీ కేంద్రంలో ఐసిడిఎస్ సిడిపిఓ పి. సునీలత పర్యవేక్షణలో సూపర్వైజర్ జి.కస్తూరి ఆధ్వర్యంలో అంగన్వాడి ఉత్సవం కార్యక్రమాన్ని ఘనంగా నిర్వహించారు. ఈ సందర్భంగా ఆ పరిధిలోని మహిళలు, గర్భిణీలు, బాలింతలను ఆహ్వానించి అంగన్వాడీ కేంద్రంలో లభించే ప్రయోజనాలను గురించి వివరించారు. గర్భిణీలు బాలింతలకు కేంద్రంలో పౌష్టికాహారం లభిస్తుందని, చిన్నారులకు పౌష్టికాహారంతో పాటు ఆటపాటలతో కూడిన పూర్వ ప్రాథమిక విద్య లభిస్తుందని, అందరూ సద్వినియోగం చేసుకోవాలని ఆమె కోరారు. పోషణ్ ప్లేట్ తయారుచేసి అందరికీ అందజేశారు. ఈ కార్యక్రమంలో పలువురు గర్భిణీలు, బాలింతలు, మహిళలు, చిన్నారులు తదితరులు పాల్గొన్నారు.