అంబులెన్స్‌లోనే ప్రసవం.. మగబిడ్డకు జన్మనిచ్చిన మహిళ తల్లి బిడ్డ క్షేమం

అంబులెన్స్‌లోనే ప్రసవం..మగబిడ్డకు జన్మనిచ్చిన మహిళ
తల్లి బిడ్డ క్షేమం

జిన్నారం l:పురిటినొప్పులతో బాధపడుతున్న ఓ మహిళకు 108 అంబులెన్స్‌లోనే సిబ్బంది ప్రసవం చేయగా, ఆమె మగబిడ్డకు జన్మనిచ్చింది. వివరాల్లోకి వెళ్తే.. జిన్నారం మండలం అండూర్ గ్రామానికి చెందిన శివాని (20) మంగళవారం తెల్లవారుజామున పురిటినొప్పులతో బాధపడటంతో కుటుంబ సభ్యులు 108కు సమాచారం అందించారు. దీంతో గుమ్మడిదల మండలానికి చెందిన 108 సిబ్బంది ఆమెను ఆస్పత్రికి తరలిస్తుండగా మార్గమధ్యంలో నొప్పులు అధికమయ్యాయి. దీంతో ఈఎంటీ కుమారి అంబులెన్స్‌లోనే శివానికి ప్రసవం చేయగా, ఆమె మగబిడ్డకు జన్మనిచ్చింది. అనంతరం తల్లీబిడ్డలను జిన్నారం ప్రభుత్వ ఆస్పత్రికి తరలించినట్లు 108 పైలట్ అక్షయ్ కుమార్ తెలిపారు. తల్లీబిడ్డలు క్షేమంగా ఉన్నట్లు వెల్లడించారు.