సర్వే నంబర్ 483 భూములపై రీ -సర్వే...
-అవకతవకల ఆరోపణలపై రెవెన్యూ అధికారుల విచారణ
మండల పరిధిలోని తిమ్మారెడ్డిగూడ గ్రామంలో భూముల రీ-సర్వే నిర్వహించారు. గ్రామంలోని సర్వే నంబర్ 483లో ఉన్న భూములకు సంబంధించి రెవెన్యూ శాఖలో అవకతవకలు జరిగాయంటూ ఆరోపణలు రావడంతో అధికారులు ఈ చర్యలు చేపట్టారు. ఈ నేపథ్యంలో షాబాద్ మండల తహసీల్దార్ ఎండీ అన్వర్ ఆదేశాల మేరకు భూములను క్షేత్రస్థాయిలో పరిశీలించి రీ-సర్వే నిర్వహించారు.గ్రామ సర్పంచ్ గుత్తి చెన్నయ్య, మాజీ ఎంపీటీసీ మద్దూరి పాండు ఆధ్వర్యంలో రెవెన్యూ అధికారులు సర్వే నంబర్ 483లోని భూముల హద్దులు, విస్తీర్ణం, అందుబాటులో ఉన్న రికార్డులను పరిశీలించారు. రీ-సర్వే ద్వారా భూముల వాస్తవ పరిస్థితి, రికార్డుల్లో ఉన్న వివరాల మధ్య ఏమైనా వ్యత్యాసాలు ఉన్నాయా అనే అంశాలపై స్పష్టత వచ్చే అవకాశం ఉంది. అధికారులు నిర్వహించిన సర్వే నివేదిక ఆధారంగా రికార్డుల పరంగా భూములను కోల్పోయిన బాధితులకు న్యాయం జరగనుందని గ్రామస్తులు తెలిపారు.
షాబాద్, మేజర్ న్యూస్ (అక్టోబర్ 06)
