స్మశానం దారి ఆక్రమిస్తున్నా, పట్టించుకోని అధికారులు

స్మశానం దారి అడ్డుకుంటున్నా,ప్రభుత్వ భూమి ఆక్రమిస్తున్నా పట్టించుకోని అధికారులు 
ఆత్మకూరు, మేజర్ న్యూస్, సోమా వెంకటసుబ్బయ్య : ఆత్మకూరు నియోజకవర్గం లోని చేజర్ల మండలం ఆదూరుపల్లి లో గిరిజనుల స్మశానానికి దారిని కొందరు అడ్డుకుంటున్నా, ప్రభుత్వ భూమిని కొందరు ఆక్రమిస్తున్నా సంబంధిత అధికారులకు విన్నవించినా సరైన చర్యలు తీసుకోవడం లేదంటూ పలువురు గిరిజనులు ఆవేదన వ్యక్తం చేస్తున్నారు. ఆదురుపల్లి కి చెందిన చెవూరు చెంచయ్య ఈ విషయమై తాసిల్దార్ కు సర్వే నంబర్ 522-1 లో ఉన్న స్మశాన వాటికకు వెళ్లేందుకు ఏటూరు గ్రామ సర్వే నంబరు 626-4 లో దారి విషయమై అదే గ్రామానికి చెందిన పీర్ల శంకరయ్య,పెంచలయ్య, సీనయ్య లతో వివాదం ఉందని, శాంతి భద్రతలకు విఘాతం కలుగుతున్నదని, అసలైన హక్కుదారులు అనుభవదారులు ఎవరు అనే విషయం తెలపాలని తాసిల్దార్ కు వినతి పత్రం అందజేశారు. రెవిన్యూ అధికారి చేత విచారణ జరిపించామని, క్షేత్రస్థాయిలో,రికార్డుల పరిశీలన అనంతరం నివేదిక అందజేశారని సర్వేనెంబర్ 522లో ఒకటిలో 57.53 ఎకరాలు 522లో 19 సెంట్లు భూమి 35 సెంట్లు ఎల్పీఎం నెంబర్ 2093 ప్రకారం 35సెంట్లు భూమిని స్మశాన వాటికగా నమోదు చేసి ఉన్నారని, ఆ భూమికి వెళ్లేందుకు ఏటూరు గ్రామ సర్వే నంబరు 626లో నాలుగులో రెండు ఎకరాలు నుండి దారి ఉన్నదని, ఆ రెండు ఎకరాలు చుక్కల భూమిగా నమోదయి ఉందన్నారు. వెబ్ల్యాండ్ అడంగల్ లో పట్టాదారుగా గొలగమూడి పెంచలయ్య పేరు నమోదయి ఉందని, ఈ దారి విషయమై శాంతి భద్రతలకు విఘాతం కలుగకుండా తగు చర్యలు తీసుకోవాలంటూ తాసిల్దారు గత నెల 23వతేదీ చేజర్ల పోలీసులకు ఫిర్యాదు చేశారు. కాగా 522లో 80 సెంట్ల ప్రభుత్వ భూమిని కొందరు ఆక్రమించుకొని జెసిబి తో స్థలాన్ని చదును చేసి మొక్కలు నాటే ప్రయత్నం చేశారు. ఈ విషయం స్థానికులు అడ్డుకొని తాసిల్దారుకు తెలుపుగా ఆయన ప్రభుత్వ భూమి ఎవరు ప్రవేశించరాదని హెచ్చరిక బోర్డులు ఏర్పాటు చేశారు. కానీ ఆ హెచ్చరిక బోర్డులను  కూడా కొందరు తొలగించారు. తాసిల్దారు ఫిర్యాదు చేసినా  తగిన చర్యలు లేవంటూ గిరిజనులు ఆవేదన వ్యక్తం చేస్తున్నారు. ఉన్నతాధికారులు వెంటనే పరిశీలించి సత్వరమే తగు చర్యలు తీసుకోవాలని వారు కోరుతున్నారు.