పోరంకిలో రోడ్డు ప్రమాదం.. దంపతులకు గాయాలు

పెనమలూరు, మేజర్ న్యూస్ : పోరంకి రామాపురం కాలనీ 4వ లైన్‌కు చెందిన చెన్నప్రగడ లలితాకుమారి (43), ఆమె భర్త నారాయణ అక్టోబర్ 4న మధ్యాహ్నం తమ ద్విచక్రవాహనం (ఏపీ39ఎల్సీ8240)పై గంగూరు డీమార్ట్‌కు వెళ్లి తిరిగి వస్తుండగా భాష్యం స్కూల్ సమీపంలో ప్రమాదానికి గురయ్యారు. వెనుక నుంచి అతివేగంగా, నిర్లక్ష్యంగా వచ్చిన ఆటో (ఏపీ39యుఎక్స్6893) వారి ద్విచక్రవాహనాన్ని బలంగా ఢీకొట్టడంతో లలితాకుమారి కుడిచేయి, భుజానికి తీవ్ర గాయాలు కాగా, నారాయణ కుడికన్ను, చేతులకు గాయాలయ్యాయి. వెంటనే వారిని చికిత్స నిమిత్తం పోరంకిలోని క్యాపిటల్ ఆసుపత్రికి తరలించారు.

✍️ప్రేమ్ రాజ్, పెనమలూరు, కృష్ణాజిల్లా.