పోలింగ్ కేంద్రాలను పరిశీలించిన జిల్లా ఎన్నికల వ్యయ పరిశీలకులు బి. విజయకుమార్

విజయవాడ, మేజర్ న్యూస్: జిల్లా ఎన్నికల వ్యయ పరిశీలకులు బి. విజయకుమార్ ఆదివారం విజయవాడ ఓల్డ్ రాజరాజేశ్వరిపేటలోని ఎస్.ఆర్.ఆర్. ప్రాథమిక పాఠశాలలో ఏర్పాటు చేసిన పోలింగ్ కేంద్రాన్ని సందర్శించి ఎన్నికల నిర్వహణ తీరును పరిశీలించారు. పోలింగ్ ప్రక్రియ, ఓటర్లకు కల్పించిన సౌకర్యాలు, ఎన్నికల సిబ్బంది విధుల నిర్వహణ, ఎన్నికల నియమావళి అమలును సమీక్షించారు. ఎన్నికల ప్రక్రియ పారదర్శకంగా, నిబంధనలకు అనుగుణంగా జరిగేలా విధులు నిర్వహించాలని అధికారులకు సూచించారు.

కొండపల్లి జిల్లా పరిషత్ ఉన్నత పాఠశాలలో ఏర్పాటు చేసిన పోలింగ్ కేంద్రానికి వచ్చే ఓటర్లకు ఎలాంటి అసౌకర్యం కలగకుండా అధికారులు ప్రత్యేక ఏర్పాట్లు చేశారు. ఎండ నుంచి ఉపశమనం కల్పించేందుకు షామియానా ఏర్పాటు చేయడంతో పాటు, తాగునీటి సదుపాయం కల్పించారు. ఓటర్లు ప్రశాంత వాతావరణంలో తమ ఓటు హక్కును వినియోగించుకునేలా చర్యలు చేపట్టారు.

ఎన్టీఆర్ జిల్లాలో పట్టణ స్థానిక సంస్థల ఎన్నికల్లో ఆదివారం ఉదయం 11 గంటల వరకు నమోదైన పోలింగ్ శాతం వివరాలు ఇలా ఉన్నాయి. విజయవాడలో 16.38 శాతం, కొండపల్లిలో 20.94 శాతం, తిరువూరులో 31.09 శాతం, నందిగామలో 34.31 శాతం, జగ్గయ్యపేటలో 29.30 శాతం పోలింగ్ నమోదైంది. నందిగామలో అత్యధికంగా 34.31 శాతం పోలింగ్ నమోదుకాగా, విజయవాడలో అత్యల్పంగా 16.38 శాతం నమోదైంది.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.