పోలీసు అమరవీరుల కుటుంబాలకు అండగా ఉంటాం - పార్వతీపురం మన్యం జిల్లా ఎస్పీ ఎస్.వి.మాధవ్ రెడ్డి,

పార్వతిపురం అక్టోబర్ 21 మేజర్ న్యూస్ ...పోలీసు అమర వీరుల సంస్మరణ దినోత్సవం సందర్భంగా పోలీసు అమర వీరుల కుటుంబాలతో జిల్లా కలక్టర్ ఎన్. ప్రభాకర రెడ్డి , ఎస్పీ  ఎస్.వి.మాధవ్ రెడ్డి అక్టోబరు 21న అమరవీరులు కుటుంబసభ్యులుతో మమేకమయ్యారు. ఈ సందర్భంగా అమరులైన స్వర్గీయ  ముద్దాడ గాంధీ గారి  సతీమణి మనోరంజని మరియు వారి కుటుంబ సభ్యులు , స్వర్గీయ బి.శ్రీరాములు సతీమణి ప్రమీల  మరియు  వారి కుటుంబ సభ్యులతో, స్వర్గీయ సూర్యనారాయణ సతీమణి రాజు  మరియు  వారి కుటుంబ సభ్యులుతో మమేకమై, వారి యోగ క్షేమాలు, ఆర్దిక , మానసిక, పిల్లల చదువు గురించి, పోలీస్, ఇతర శాఖాల పరంగా ఏమైనా సమస్యలు ఉన్నయా అని  అడిగి తెలుసుకొన్నారు.అనంతరం పోలీసు అమర వీరుల కుటుంబాలతో కలసి జిల్లా కలెక్టర్, ఎస్పీ గారు అల్పాహారం చేసి, వారితో కొంత సమయాన్ని గడిపారు. ఎప్పుడు ఏ అవసరమున్నా పోలీసు అమరవీరుల కుటుంబ సభ్యులు  తమను సంప్రదించ వచ్చునని తెలిపి, వారి కుటుంబాలకు ఎల్లప్పుడూ అండగా ఉంటామన్న భరోసాను జిల్లా ఎస్పీ గారు  కల్పించారు.ఈ కార్యక్రమం లో జిల్లా అదనపు ఎస్పీ ఎం.వెంకటేశ్వరరావు, పార్వతీపురం సబ్ కలెక్టర్ సచిన్ అర్చిత్ రహర్, పార్వతీపురం డిఎస్పీ శేషయ్య,పాలకొండ డిఎస్పీ రాంబాబు, ఏఆర్ డిఎస్పీ థామస్ రెడ్డి, ఎస్బీ సిఐ రమణమూర్తి,ఆర్ఐలు నాయుడు,రాంబాబు, పార్వతీపురం టౌన్ సిఐ వెంకట్రావు, రూరల్ సిఐ రంగనాధం పాల్గొన్నారు.

పి సతీష్ కుమార్ స్టాఫ్ రిపోర్టర్ పార్వతీపురం మన్యం జిల్లా.