పోలవరం వద్ద పోటెత్తిన వరద

ఏలూరు: అల్పపీడన ప్రభావంతో ఎగువ ప్రాంతాల నుంచి భారీగా వరద నీరు చేరడంతో పోలవరం వద్ద గోదావరి ఉగ్రరూపం దాల్చింది. పోలవరం ప్రాజెక్టు 48 గేట్ల ద్వారా 5,36,938 క్యూసెక్కుల వరద ప్రవాహాన్ని దిగువకు విడుదల చేస్తున్నారు. స్పిల్‌వే వద్ద నీటిమట్టం 30.720 మీటర్లకు చేరింది.

ఎగువ ప్రాంతాల్లో కురుస్తున్న భారీ వర్షాల కారణంగా గోదావరిలోకి మరింత వరద నీరు చేరే అవకాశం ఉందని అధికారులు అంచనా వేస్తున్నారు. దీంతో పోలవరం పరివాహక ప్రాంతాలు, దిగువ ప్రాంతాల ప్రజలు అప్రమత్తంగా ఉండాలని సూచిస్తున్నారు. వరద ప్రవాహం మరింత పెరిగితే నీటిమట్టం కూడా పెరిగే అవకాశం ఉండటంతో అధికార యంత్రాంగం పరిస్థితిని నిరంతరం పర్యవేక్షిస్తోంది.