అక్రమార్జనతో అంతస్తులు కట్టుకుంటే...

"జాతిపితలు" కాలేరు*

*అడ్డంగా సంపాదించిన ఆస్తులను ఉద్యమకారులకు పంచాలి*

*మరోసారి కెసిఆర్ పై విరుచుకుపడ్డ ఎమ్మెల్యే "వీర్లపల్లి శంకర్"*

సెప్టెంబరు 26 : తెలంగాణ సెంటిమెంటు, అధికారాన్ని అడ్డంగా పెట్టుకుని అడ్డగోలుగా సంపాదించిన ఆస్తులను తెలంగాణ ఉద్యమకారులకు పంచి పెడితే సూర్యచంద్రులు ఉన్నంతకాలం కెసిఆర్ పేరు నిలిచి ఉంటుందని, తాను కూడా కెసిఆర్ ను కీర్తిస్తానని రంగారెడ్డి జిల్లా షాద్ నగర్ ఎమ్మెల్యే రాష్ట్ర ప్రభుత్వ రంగ సంస్థల చైర్మన్ వీర్లపల్లి శంకర్ మరోసారి సంచలన వ్యాఖ్యలు చేశారు. చాకలి ఐలమ్మ జయంతి సందర్భంగా షాద్ నగర్ పట్టణంలో రజక సంఘం, జేఏసీ సంయుక్త ఆధ్వర్యంలో జరిగిన నివాళి కార్యక్రమానికి స్థానిక ఎమ్మెల్యే, రాష్ట్ర ప్రభుత్వ రంగ సంస్థల చైర్మన్ వీర్లపల్లి శంకర్ ముఖ్యఅతిథిగా హాజరై నివళులర్పించారు. 
ఈ సందర్భంగా మీడియాతో ఆయన మాట్లాడుతూ.. గత పదేళ్లలో తెలంగాణ సెంటిమెంటును అడ్డం పెట్టుకుని పాలన పేరిట ఆర్దిక విధ్వంసం జరిగిందని శంకర్ అన్నారు. గడిచిన బిఆర్ఎస్ పాలనలో అక్రమంగా ప్రజల సొత్తును కూడా పెట్టారని ఆరోపించారు. కెసిఆర్ ఆస్తులు అంతస్తులు అక్రమాలు దౌర్జన్యాలు పెచ్చు మీరి పోయాయని వివరించారు. తెలంగాణ సెంటిమెంటుతో కెసిఆర్ అనే కుటుంబం లాభం పొంది ఉద్యమకారుల కడుపులు కొట్టి ప్రజల ఆస్తులను ధ్వంసం చేసి సొంత ఆస్తులు కూడా పెట్టారని వీటిని కనుగొని ప్రజలకు వాస్తవాలు చెప్పేందుకు రాష్ట్ర ప్రభుత్వం నియమించిన నిజనిర్ధారణ కమిటీలో తాను ఒక సభ్యుడునని వాస్తవాలను ప్రజల ముందుకు తీసుకువస్తానని ఎమ్మెల్యే శంకర్ అన్నారు. కెసిఆర్ అవినీతి చూసి మహనీయులు చాకలి ఐలమ్మ, కొండా లక్ష్మణ్ బాపూజీ లాంటి వారి ఆత్మలకు క్షోభిస్తున్నాయని ఆవేదన వ్యక్తం చేశారు. ప్రజాసేవ కోసం వచ్చి రాష్ట్రం కోసం ఏదైనా సొంతంగా త్యాగం చేస్తే జాతిపితలు అవుతారని మంది సొమ్ము మింగి అంతస్తులు కూడా పెడితే వారిని జాతిపితలు అనరని అన్నారు. ఒకవేళ కెసిఆర్ పేరు సూర్య చంద్రులు ఉన్నంతకాలం చిరస్థాయిగా మిగిలాలంటే నాలాంటివారు కీర్తించాలంటే ఆయన అక్రమంగా కూడబెట్టిన ఆస్తులను ఉద్యమకారులకు ప్రజలకు పంచిపెడితే జాతిపిత కచ్చితంగా అవుతాడని ఎమ్మెల్యే శంకర్ అన్నారు. కెసిఆర్ తన అక్రమ ఆస్తులను ప్రజలకు త్యాగం చేస్తే సూర్యచంద్రులు ఉన్నంతకాలం ఆయనను గౌరవిస్తాం పూజిస్తాం అంటూ ఎమ్మెల్యే శంకర్ సవాల్ విసిరారు. ప్రాంతం కోసం దేశం కోసం త్యాగం చేసిన మహనీయులు ఎందరో ఉన్నారని ఇలా అక్రమ ఆస్తులు ఎవరు కూడా పెట్టలేదని దేశంలోనే అక్రమ ఆస్తులు కూడబెట్టిన నేతల్లో కేసీఆర్ ప్రప్రథముడు అని ఆయన వ్యాఖ్యానించారు. ఈ కార్యక్రమంలో రజక సంఘం నాయకులు నందిగామ రామచందర్, పెంటయ్య, శేఖర్, లింగారెడ్డిగూడెం అశోక్, అదేవిధంగా మార్కెట్ కమిటీ వైస్ చైర్మన్ మొహమ్మద్ అలీ ఖాన్ బాబర్, గిరిజన విభాగం కోఆర్డినేటర్ రఘునాయక్, మాజీ జెడ్పిటిసి పంది వెంకట్రాంరెడ్డి, స్థానిక జేఏసీ చైర్మన్ మూలే జనార్ధన్. కరుణాకర్, చెంది తిరుపతిరెడ్డి, ముబారక్ అలీ ఖాన్, ఖదీర్, జాంగారి రవి, శ్రీనివాస్ యాదవ్ తదితరులు పాల్గొన్నారు. 

- జవ్వోజి రాఘవేందర్, మేజర్ న్యూస్, షాద్నగర్