సిరిసిల్లలో ఐలమ్మ జయంతి వేడుకలు..

విగ్రహానికి పూలమాలలు వేసిన మంత్రులు
తుమ్మల,శ్రీధర్‌బాబు,అడ్లూరి లక్ష్మణ్ కుమార్,ఆది శ్రీనివాస్

సూర్య రాజన్న సిరిసిల్ల

వీరనారి చాకలి ఐలమ్మ జయంతి సందర్భంగా రాజన్న సిరిసిల్ల జిల్లా కేంద్రంలోని చాకలి ఐలమ్మ విగ్రహానికి రాష్ట్ర మంత్రులు తుమ్మల నాగేశ్వరరావు,శ్రీధర్‌బాబు,అడ్లూరి లక్ష్మణ్‌కుమార్,రాష్ట్ర ప్రభుత్వ విప్ ఆది శ్రీనివాస్ పూలమాలలు వేసి ఘనంగా నివాళులర్పించారు. ఈ సందర్భంగా చాకలి ఐలమ్మ పోరాట స్ఫూర్తిని స్మరించుకున్నారు. భూమి కోసం,భుక్తి కోసం ఆమె ప్రదర్శించిన ధైర్యసాహసాలు తెలంగాణ చరిత్రలో చిరస్థాయిగా నిలిచాయని పేర్కొన్నారు. సామాజిక న్యాయం,సమానత్వం,ఆత్మగౌరవం కోసం ఐలమ్మ చేసిన పోరాటం నేటి తరానికి స్ఫూర్తిదాయకమని తెలిపారు. కార్యక్రమంలో జిల్లా అధ్యక్షులు సంగీతం శ్రీనివాస్,నాయకులు పాల్గొన్నారు.