పెంచల స్వామికి శేష వాహన సేవ

 పెంచల స్వామికి శేష వాహన సేవ

నెల్లూరు,మేజర్ న్యూస్ :  నెల్లూరు జిల్లా పెంచలకోన క్షేత్రంలో నిర్వహిస్తున్న వార్షిక పవిత్రోత్సవాల్లో భాగంగా చివరి రోజైన శనివారం స్వామివారికి శేష వాహన సేవను వైభవంగా నిర్వహించారు. ఆలయ అర్చకులు, వేద పండితులు స్వామివారికి ప్రత్యేక పూజలు, అభిషేకాలు నిర్వహించి శేష వాహనంపై కొలువుదీర్చారు. అనంతరం శేష వాహనంపై స్వామివారి ఊరేగింపు భక్తిశ్రద్ధల మధ్య సాగింది. ఈ సందర్భంగా భక్తులు పెద్ద సంఖ్యలో పాల్గొని స్వామివారిని దర్శించుకుని తీర్థప్రసాదాలు స్వీకరించారు. ఆలయ పరిసరాలు భక్తుల సందడితో ఆధ్యాత్మిక శోభను సంతరించుకున్నాయి.