ఐలమ్మ జీవితం స్పూర్తి దాయకం

ఎమ్మెల్యే కాలే యాదయ్య
 తెలంగాణ సాయుధ పోరాట యోధురాలు చాకలి ఐలమ్మ స్ఫూర్తిని నేటి తరం ఆదర్శంగా తీసుకోవాలని ఎమ్మెల్యే కాలే యాదయ్య అన్నారు. చాకలి ఐలమ్మ జయంతిని పురస్కరించుకుని శనివారం చేవెళ్లలో ఆమె విగ్రహానికి పూలమాలలు వేసి నివాళులర్పించారు. ఈ సందర్భంగా ఎమ్మెల్యే మాట్లాడుతూ.. పేదలు, బడుగు బలహీన వర్గాల హక్కుల కోసం చాకలి ఐలమ్మ చేసిన పోరాటం స్ఫూర్తిదాయకమన్నారు. అన్యాయాన్ని, అణచివేతను ఎదిరించి ధైర్యంగా నిలిచిన ఐలమ్మ స్ఫూర్తిని నేటి తరం ఆదర్శంగా తీసుకోవాలని సూచించారు.
సమాజంలో సమానత్వం, సామాజిక న్యాయం కోసం ప్రతి ఒక్కరూ కృషి చేయాలని అన్నారు. బడుగు బలహీన వర్గాల సంక్షేమానికి ప్రభుత్వం అమలు చేస్తున్న పథకాలను అర్హులైన ప్రజలు సద్వినియోగం చేసుకోవాలని కోరారు. చాకలి ఐలమ్మ సేవలు, పోరాట స్ఫూర్తిని భవిష్యత్ తరాలకు తెలియజేయాల్సిన బాధ్యత ప్రతి ఒక్కరిపై ఉందన్నారు.
ఈ కార్యక్రమంలో మున్సిపల్ చైర్ పర్సన్ సమతా వెంకట్ రెడ్డి, రెడ్డి, వైస్ చైర్మన్ కాసుల రాముగౌడ్, కౌన్సిలర్లు బండారి శైలజాఆగిరెడ్డి, మద్దెల శ్రీనివాస్, దావల్ గారి గోపాల్ రెడ్డి, చేవెళ్ల, ముడిమ్యాల సొసైటీ చైర్మన్లు దేవర వెంకట్ రెడ్డి, గోనె ప్రతాప్ రెడ్డి, మున్సిపల్ అధ్యక్షులు బి.శ్రీనివాస్ గౌడ్, మండల అధ్యక్షులు గిరిధర్ రెడ్డి, మాజీ సర్పంచులు, రజక సంఘం నాయకులు, ఆయా పార్టీల నాయకులు తదితరులు పాల్గొన్నారు.
- సున్నపు ప్రవీణ్ ; మేజర్ న్యూస్, చేవెళ్ల.