పొదలకూరు వైఎస్సార్సీపీ సర్పంచ్ అభ్యర్థిగా సీనియర్ నేత కోనం బ్రహ్మయ్య!
పొదలకూరు, మేజర్ న్యూస్ : రాబోయే స్థానిక సంస్థల ఎన్నికల్లో పొదలకూరు మేజర్ పంచాయతీ సర్పంచ్ అభ్యర్థిగా వైఎస్సార్ కాంగ్రెస్ పార్టీ బలపరిచిన సీనియర్ నాయకులు కోనం బ్రహ్మయ్య ఎన్నికల బరిలోకి దిగుతున్నారు. మాజీ మంత్రి, వైఎస్సార్సీపీ జిల్లా అధ్యక్షుడు కాకాణి గోవర్ధన్ రెడ్డి ఆశీస్సులతో కోనం బ్రహ్మయ్యకు సర్పంచ్ అభ్యర్థిగా అవకాశం లభించినట్లు పార్టీ వర్గాలు వెల్లడించాయి. పార్టీ ఆవిర్భావం నుంచి వైఎస్సార్సీపీకి అత్యంత విధేయుడిగా ఉంటూ, పార్టీ సిద్ధాంతాలకు కట్టుబడి పనిచేస్తున్న కోనం బ్రహ్మయ్య, పార్టీ చేపట్టిన కార్యక్రమాల్లో చురుకుగా పాల్గొంటూ తనకంటూ ప్రత్యేక గుర్తింపు సంపాదించుకున్నారు. ప్రజా సమస్యల పరిష్కారంలో ఎల్లప్పుడూ ముందుంటూ, ప్రజలకు అందుబాటులో ఉండే నాయకుడిగా స్థానికంగా గుర్తింపు పొందారు.