ఓపెన్ స్కూల్ పరీక్షలకు అంతర్జాలంలో అడ్మిషన్లు
ముత్తుకూరు, మేజర్ న్యూస్ : ఆంధ్రప్రదేశ్ సార్వత్రిక విద్యాపీఠం ద్వారా పదవ తరగతి, ఇంటర్మీడియట్ నందు పరీక్షలకు హాజరుకానున్న అర్హులైన వారు అంతర్జాలంలో అడ్మిషన్లు తీసుకోవాలని మండల విద్యాశాఖ అధికారి మధుసూదన్ వెల్లడించారు. బుధవారం మండల విద్యా వనరుల కేంద్రంలో సిఆర్ఎంటి, వెలుగు, ఐసిడిఎస్ ప్రాజెక్ట్, స్వర్ణ గ్రామాల విద్యా సహాయకులకు ఈ ప్రక్రియ గురించి అవగాహన కల్పిస్తూ సమావేశాన్ని నిర్వహించారు. ఈ సందర్భంగా గోడ పత్రికను విద్యాశాఖ విడుదల చేసింది. గ్రామాల్లో వివరించి అర్హులైన వారు అడ్మిషన్లు తీసుకునే విధంగా చూడాలని విద్యాశాఖ తెలియపరచింది. అవకాశాన్ని సద్వినియోగం చేసుకోవాలి కోరింది