పండుగల వేళ కావలిలో విస్తృత వాహన తనిఖీలు

కావలి,   మేజర్ న్యూస్ :  నిబంధనలు ఉల్లంఘిస్తే కఠిన చర్యలు 

నెల్లూరు జిల్లా ఎస్పీ డాక్టర్ అజిత వేజెండ్ల ఆదేశాలతో కావలి వన్‌టౌన్ పోలీస్ స్టేషన్ పరిధిలో గురువారం రాత్రి ప్రత్యేక తనిఖీలు నిర్వహించారు. వన్‌టౌన్ సీఐ రంగనాథ్ గౌడ్, ఎస్ఐ సుమన్ ఆధ్వర్యంలో పోలీసులు విస్తృతంగా వాహన తనిఖీలు చేపట్టి వాహనదారులకు పలు సూచనలు చేశారు.    వన్‌టౌన్ సీఐ రంగనాథ్ గౌడ్, ఎస్ఐ సుమన్ ఆధ్వర్యంలో పోలీసులు సిబ్బందితో కలిసి వాహనాలను ఆపి క్షుణ్ణంగా పరిశీలించారు. వాహనాల తనిఖీల్లో భాగంగా కార్లలో అనుమానాస్పద వస్తువులు, నిషేధిత పదార్థాలు ఉన్నాయా అని తనిఖీ చేశారు.    ద్విచక్ర వాహనదారుల లైసెన్స్‌లు, వాహన పత్రాలు, హెల్మెట్ వినియోగం తదితర అంశాలను పరిశీలించారు.   ప్రజల భద్రత, నేరాల నియంత్రణ, రోడ్డు ప్రమాదాల నివారణ లక్ష్యంగా ఈ తనిఖీలు చేపట్టినట్లు పోలీసులు తెలిపారు. నిబంధనలు ఉల్లంఘించే వారిపై చట్టపరమైన చర్యలు తీసుకుంటామని హెచ్చరించారు.