986(1)ఏ సర్వే నంబర్ భూముల సమస్యకు పరిష్కారం.. 100 కుటుంబాలకు ఊరట!

సూర్య అద్దంకి.

986(1)ఏ సర్వే నంబర్‌కు సంబంధించిన భూముల వివాదంపై అనేక సంవత్సరాలుగా ఇబ్బందులు పడుతున్న వంద కుటుంబాలకు ఎట్టకేలకు ఊరట లభించింది. ఈ సర్వే నంబరులోని సుమారు 5 ఎకరాల ఓనర్స్ ల్యాండ్ 22ఏ నిషేధిత జాబితాలో పడటంతో గత 10-15 ఏళ్లుగా భూ యజమానులు తీవ్ర ఇబ్బందులు ఎదుర్కొంటున్నట్లు బాధితుడు గార్లపాటి శ్రీనివాసరావు తెలిపారు. ఆ భూములు అమ్ముకోవడానికి వీలులేక, బ్యాంకుల్లో తాకట్టు పెట్టుకోడానికి కుదరక, పిల్లల పెళ్లిళ్లు, చదువుల వంటి అత్యవసర అవసరాలకు కూడా ఆర్థికంగా నానా పాట్లు పడుతున్నారని అన్నారు. ఈ సమస్యను పరిష్కరించాలని కోరుతూ బాధితులు మంత్రి దృష్టికి తీసుకెళ్లారు. స్పందించిన మంత్రి ఆదేశాల మేరకు పూర్తి రికార్డులను సేకరించి ఎంఆర్ఓ కార్యాలయం ద్వారా ఒంగోలు ఆర్డీఓ మరియు కలెక్టర్ కార్యాలయానికి నివేదికలు సమర్పించడం జరిగింది. ఏసీ ఆఫీస్ నుంచి కూడా ఇవి మా భూములు కావలి స్పష్టం చేసే అన్ని ఫైళ్లను పరిశీలించి మంత్రికి అందజేశారు.   
దీనిపై స్పందించిన దేవాదాయ శాఖ మంత్రి మరియు సంబంధిత అధికారులు దేవాదాయ భూముల నిషేధిత జాబితా నుంచి 986(1)ఏ భూమిని తొలగించి, బోనస్ లాండ్‌గా మార్చారు. దీనివల్ల దాదాపు వంద కుటుంబాలకు దక్కిన ఈ ఊరట పట్ల బాధితులు హర్షం వ్యక్తం చేస్తూ.. మంత్రులు గొట్టిపాటి రవికుమార్,  ఆనం రామనారాయణ రెడ్డి, ముఖ్యమంత్రి చంద్రబాబు నాయుడికి ప్రత్యేక కృతజ్ఞతలు తెలిపారు.