సెయింట్ జోసెఫ్ పాఠశాలలో ఘనంగా బతుకమ్మ వేడుకలు

సెయింట్ జోసెఫ్ పాఠశాలలో ఘనంగా బతుకమ్మ సంబరాలు

తెలంగాణ సంస్కృతి సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకొని శుక్రవారం కందుకూరు మండలం నేదునూరులోని సెయింట్ జోసెఫ్ ఇంగ్లీష్ మీడియం పాఠశాలలో ఘనంగా నిర్వహించారు. ఈ సందర్భంగా విద్యార్థినులు రంగురంగుల పూలతో బతుకమ్మలను పేర్చి, సంప్రదాయ బతుకమ్మ పాటలు పాడుతూ ఉత్సాహంగా వేడుకల్లో పాల్గొన్నారు.
ఈ కార్యక్రమానికి ముఖ్య అతిథులుగా సెయింట్ మేరీ ప్రావిన్స్ ప్రావిన్షియల్ సుపీరియర్ ఫాదర్ బిబిన్ జార్జ్, పాఠశాల అడ్మినిస్ట్రేటర్ ఫాదర్ జోనేష్ హాజరయ్యారు. వారితో పాటు ఫాదర్ కిషోర్, బ్రదర్ కిరణ్, ప్రిన్సిపాల్ శాంతిని ప్రియా, ఉపాధ్యాయులు ప్రసాద్, అరుణ్, కార్తీక్ తదితరులు పాల్గొన్నారు.
ఈ సందర్భంగా బతుకమ్మ పండుగ విశిష్టతను వివరించారు. తెలంగాణ రాష్ట్ర పండుగగా ప్రసిద్ధి చెందిన బతుకమ్మ ప్రకృతిని, పూలను ఆరాధిస్తూ మహిళలు ఆనందోత్సాహాలతో జరుపుకునే గొప్ప సాంస్కృతిక వేడుక అని పేర్కొన్నారు. తొమ్మిది రోజులపాటు నిర్వహించే ఈ పండుగ తెలంగాణ ప్రజల జీవన విధానానికి, సంప్రదాయాలకు ప్రతీకగా నిలుస్తుందని తెలిపారు.విద్యార్థినులు సంప్రదాయ పద్ధతిలో బతుకమ్మలను పేర్చి, పాటలు పాడుతూ ఆడిపాడడంతో పాఠశాల ప్రాంగణం పండుగ వాతావరణంతో కళకళలాడింది. ఇలాంటి కార్యక్రమాల ద్వారా విద్యార్థులకు తెలంగాణ సంస్కృతి, సంప్రదాయాలపై అవగాహన కల్పించడంతో పాటు వాటి పరిరక్షణకు ప్రోత్సాహం లభిస్తుందని నిర్వాహకులు పేర్కొన్నారు.

టి. శ్రీనివాస్ :మేజర్ న్యూస్, కందుకూరు