పేకాట స్థావరం పై పోలీసుల దాడి... నలుగురి అరెస్ట్, రూ.16,135 నగదు స్వాధీనం

రాపూరు ,  మేజర్ న్యూస్ :  మండల పరిధిలోని గోనుపల్లి అటవీ ప్రాంతంలో జరుగుతున్న జూద స్థావరంపై రాపూరు పోలీసులు దాడి చేసి, నలుగురు నిందితులను అదుపులోకి తీసుకున్నారు. ఎస్సై తిరుమల రావు తెలిపిన వివరాల ప్రకారం... శుక్రవారం గోనుపల్లి అడవి ప్రాంతంలో జూదం ఆడుతున్నారనే పక్కా సమాచారంతో పోలీసులు ఆకస్మిక తనిఖీలు చేపట్టారు. ఈ దాడిలో నలుగురు వ్యక్తులను అరెస్టు చేయడంతో పాటు, వారి వద్ద నుంచి రూ.16,135 నగదును స్వాధీనం చేసుకున్నారు. చట్టవ్యతిరేక కార్యకలాపాలకు పాల్పడితే కఠిన చర్యలు తీసుకుంటామని ఈ సందర్భంగా ఎస్సై హెచ్చరించారు.