andhrapradesh
పెద్దల పండుగకు హిందూ స్మశాన వాటికలో ప్రత్యేక శుభ్రత 25 మంది సిబ్బందితో మూడు రోజులుగా పారిశుద్ధ్య పనులు
( ఓబులేసు నేటి దినపత్రిక సూర్య కార్పోరేషన్ రిపోర్టర్)
పెత్తర్ల అమావాస్య సందర్భంగా ప్రజలకు ఇబ్బందులు కలగకుండా అనంతపురం నగరంలోని ఆరవ రోడ్డు, జేఎన్‌టీయూ రోడ్డు సమీపంలోని హిందూ స్మశాన వాటికలో నగరపాలక సంస్థ అధికారులు ప్రత్యేక పారిశుద్ధ్య పనులు చేపట్టారు. 25 మంది పారిశుద్ధ్య సిబ్బందితో మూడు రోజులుగా పరిసరాలను శుభ్రం చేస్తున్నారు. మున్సిపల్ ఆరోగ్య అధికారి డాక్టర్ రాజా రవీంద్రనాథ్ చౌదరి పనులను పరిశీలించి, చెత్తాచెదారం తొలగించి పరిసరాలను పరిశుభ్రంగా ఉంచాలని సిబ్బందికి సూచించారు. పెద్దల పండుగకు వచ్చే ప్రజలకు ఎలాంటి అసౌకర్యం కలగకుండా ముందస్తు చర్యలు చేపట్టినట్లు అధికారులు తెలిపారు.
